ஊழல் பைல்களை திரட்டும் கவர்னர் : ஆடிப் போயிருக்கும் தமிழக அரசு

**ayyasamy ram** · **ayyasamy ram** Wed Dec 20, 2017 9:14 pm

சென்னை:
தமிழகம் முழுவதும் பல மாவட்டங்களுக்கும் ஆய்வுப்
பணிகளுக்காக சென்று கொண்டிருக்கும் கவர்னர்
பன்வாரிலால் நடவடிக்கைகள் மீது தமிழக அரசு அதிருப்தி
அடைந்துள்ளது. இருந்தாலும், கொஞ்சமும் கண்டு
கொள்ளாதது போல, அதிகாரிகளை விட்டு அவருக்கு
முழு ஒத்துழைப்பு அளிக்கக் கேட்டுக் கொண்டுள்ளது.

இந்நிலையில், தமிழக அரசின் பத்திரப் பதிவுத் துறையில்
நடந்தேறி வரும் ஊழல்கள் குறித்து, சென்னை உயர்
நீதிமன்றத்தில் வழக்குப் பதிவு செய்யப்பட்டு, அது குறித்த
விவரங்களை கோர்ட் கேட்டுள்ளது.

அதற்கு பத்திரப் பதிவு துறை சார்பில் அளிக்கப்பட்டுள்ள
பதிலில், பல விவரங்கள் முழுமை இல்லாததோடு, ஊழல்
நடந்த விஷயங்கள் அனைத்தையும் அரசு சார்பில்
மறைத்துள்ளனர்.

இதனால், கோபம் அடைந்த உயர் நீதிமன்ற நீதிபதி,
இது தொடர்பாக முழுமையான விவரங்களை கோர்ட்டுக்கு
அளிக்கவில்லை என்றால், லஞ்ச ஒழிப்புத் துறை இயக்குநரை
கோர்ட்டுக்கு வரவழைப்போம் என, அதிருப்தியை
வெளிப்படுத்தியதோடு, தமிழக அரசுக்கு எச்சரிக்கையும்
விடுத்தார்.

திரட்டும் கவர்னர்:

இதனால், தமிழக அரசு ஒருபக்கம் ஆடிப் போயிருக்க,
தமிழக கவர்னர் பன்வாரிலால், இது தொடர்பான அனைத்து
விவரங்களையும் திரட்டுமாறு, தனது உதவியாளர்களுக்கு
உத்தரவிட்டுள்ளார்.

அதே போல, தமிழக தொழில் நுட்ப கல்லூரி விரிவுரையாளர்கள்
தேர்வில் நடைபெற்ற ஊழல்கள் குறித்த விவரங்களையும்
திரட்டுமாறும் கவர்னர் உத்தரவிட்டுள்ளதாக கவர்னர்
அலுவலக வட்டாரங்கள் கூறுகின்றன.
-
------------------------------
தினமலர்

**krishnaamma** · **krishnaamma** Wed Dec 20, 2017 9:18 pm

இதேபோல ஹெச் ராஜா ஒரு பேட்டி இல் இந்து கோவில்களை பற்றி குறிப்பிட்டார்.....................கோவில் நிலங்களின் மூலமான வருமானம் இரண்டு மூன்று ரூபாய்கள் தான் வருகிறது என்று கணக்கு காட்டுகிறார்களாம் , ஆனால் வரவேண்டியது கோடி கணக்கிலாம்.............அதை தமிழக அரசால் பார்க்க முடியவில்லை என்றல் சொல்லுங்கள் நான் பார்த்து தருகிறேன் என்று சொன்னார்............அதையும் இந்த கவர்னர் கவனத்தில் கொண்டால் நலமாக இருக்கும் புன்னகை

ஊழல் பைல்களை திரட்டும் கவர்னர் : ஆடிப் போயிருக்கும் தமிழக அரசு

ஊழல் பைல்களை திரட்டும் கவர்னர் : ஆடிப் போயிருக்கும் தமிழக அரசு

Re: ஊழல் பைல்களை திரட்டும் கவர்னர் : ஆடிப் போயிருக்கும் தமிழக அரசு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக