ஸ்ரீ மாலோல பஞ்சகம் !

இதைத் தினமும் சொன்னால், சகல நலன்களும் நிச்சயம் உண்டாகும்.

யோகி த்யேயம் ஸதா நந்தம்
பக்தாநாம் அபயங்கரம் |
மாலோலம் புண்டரீகாக்ஷம்
ஸம்ச்ரயே வரதம் ஹரிம் ||

அஷ்டாங்க ஸித்தி பெற்றவர்கள் தினமும் த்யானிக்கும் மூர்த்தி ;
எப்போதும் பரமானந்த ஸ்வரூபி ; பக்தர்களின் பயத்தைப் போக்குபவன்; தாமரைக் கண்ணன்; சமஸ்த பாபங்களையும் சம்ஹரிப்பவன் ; வேண்டும் வரங்களை அளிப்பவன்; இப்படிப்பட்ட ஸ்ரீ மாலோலனைப் பற்றுகிறேன்.

ஸர்க ஸ்திதி விநாசாநாம்
கர்த்தா கர்த்ருபதி : ஸ்வயம் |
மாலோலம் புண்டரீகாக்ஷம்
ஸம்ச்ரயே வரதம் ஹரிம் ||

ஜென்மத்தை அழிப்பவன்; ஜீவன்கள் உஜ்ஜீவிக்க பரம கருணையுடன்
முத்தொழிலையும் செய்யும் பிரான்; தாமரைக் கண்ணன்; எல்லாப்
பாபங்களையும் போக்குபவன்; வேண்டிய வரம் தருபவன்; இப்படிப்பட்ட ஸ்ரீ மாலோலனையே அடைகிறேன்.

நமாஸகம் தயாபூர்ணம்
ஸர்வலோக -நமஸ்க்ருதம் |
மாலோலம் புண்டரீகாக்ஷம்
ஸம்ச்ரயே வரதம் ஹரிம் ||

லக்ஷ்மிலோலன்; காருண்ய நிதி; எல்லா உலகத்தாரும் ஸேவிக்கும் ஏற்றம் உடையவன்; தாமரைக் கண்ணன்; பாபங்கள் அனைத்தையும்
போக்குபவன்; வேண்டிய வரம் அனைத்தையும் தருபவன்; ஸ்ரீ மாலோலனையே தஞ்சம் என்று கருதி, அவனையே சரணமடைகிறேன்.

ப்ரஹ்லாத வரதம் ச்ரேஷ்டம்
கருடாத்ரி நிவாஸிநம் |
மாலோலம் புண்டரீகாக்ஷம்
ஸம்ச்ரயே வரதம் ஹரிம் ||

பக்தனான ப்ரஹ்லாதனைக் காத்தவன்; ஒப்பாரும் மிக்காரும் இல்லா மேன்மையாளன்; கருடகிரி வாஸி ; தாமரைக் கண்ணன்; சிங்கமுக ஸ்வரூபி ; கோரிய வரம் அளிக்கும் ஸ்ரீ மாலோலனைச் சரணமடைகிறேன்.

வேதாந்த கருணா நித்யம்
ஸேவ்ய மாநம் பரம் சுபம் |
மாலோலம் புண்டரீகாக்ஷம்
ஸம்ச்ரயே வரதம் ஹரிம் ||

44ம் பட்ட அழகிய சிங்கரால் தினமும் ஆராதிக்கப் பெற்றவன்; மிக மேலானவன்; பங்கயக் கண்ணன்; பாபங்களைப்பொசுக்குபவன்; வேண்டியதெல்லாம் அருளும்
ஸ்ரீ மாலோலனையே தஞ்சமெனப் பற்றுகிறேன்.

ஸ்ரீ ரங்கயோகி க்ருபயா
ப்ரோக்தம் ஸ்தோத்ரமிதம் சுபம் |
ய : படேத் ச்ரத்தயா நித்யம்
ஸர்வபாபை : ப்ரமுச்யதே ||

42ம் பட்டம் ஸ்ரீ இஞ்சிமேட்டு அழகியசிங்கர் கிருபையால், அடியேனால் சொல்லப்பட்ட மங்களத்தை அருளும் இந்த ஸ்தோத்ரத்தைத் தினமும் சொல்பவர்கள் எல்லாவிதமான பாபங்களிலிருந்தும் விடுபட்டு ஸ்ரீ மாலோலன் கிருபையைப் பெறுவார்கள்.

-ஸ்ரீமுக்கூர் லஷ்மிநரசிம்மாச்சாரியார்