மீனவர்களுக்கு மகிழ்ச்சி தந்த மயில் மீன்கள்; விவசாயிகளிடையே சோகத்தை ஏற்படுத்திய ஆண் மயில்

வேதாரண்யம் கடல் பகுதியில் மயில் மீன்கள் அதிக அளவில் பிடிபட்டுள்ளது மீனவர்களிடையே மகிழ்ச்சியை ஏற்படுத்தியுள்ளது.
அதேநேரத்தில், வயல்வெளியில் ஆண் மயில் இறந்துகிடந்த நிகழ்வு விவசாயிகளிடையே சோகத்தை ஏற்படுத்தியது.
வேதாரண்யத்தை அடுத்த கோடியக்கரை படகுத் துறையில் பருவக் கால மீன்பிடித் தொழிலில் திருக்கை, நண்டு என பல்வேறு இன மீன்கள் பிடிபட்டு வருகின்றன. இந்நிலையில், கடலிலிருந்து வெள்ளிக்கிழமை காலை கரை திரும்பிய படகுகளில் பெரிய அளவிலான மயில் மீன்கள் பிடிபட்டிருந்தன. இது மீனவர்களிடையே மகிழ்ச்சியை ஏற்படுத்தியது.
ஆண் மயில் சாவு: வேதாரண்யத்தை அடுத்த தென்னடார் மேற்கு பகுதியில் உள்ள தோட்டங்கள், காடுகளில் மயில்கள் நடமாட்டம் உள்ளது. இதில், நெல் வயல்களைச் சார்ந்த பகுதியில் வழக்கமாக இரைதேடும் ஒரு ஆண் மயில், அந்த பகுதியில் உள்ள வேப்ப மரத்தில் இரவில் தங்குவது வழக்கம். இந்த நிலையில், அந்த மயில் மர்மமான முறையில் உயிரிழந்து கிடந்தது குறித்து விவசாயிகள் வனத் துறையினருக்கு தகவல் தெரிவித்தனர்.
இதையடுத்து, அங்கு சென்ற கோடியக்கரை வனத்துறை அலுவலர் அயூப்கான் உள்ளிட்டோர் இறந்த மயிலை பரிசோதனைக்காக வாய்மேடு அரசு கால்நடை மருத்துவமனைக்கு எடுத்துச் சென்றனர். இந்த மயில் உயிரிழந்தது விவசாயிகளிடையே சோகத்தை ஏற்படுத்தியுள்ளது.
மேலும் செய்திகளை உடனுக்குடன் படிக்க, தினமணி மொபைல் ஆப்-ஐ இங்கே கிளிக் செய்து தரவிறக்கம் செய்துகொள்ளுங்கள்!
நன்றி
தினமணி

இந்த பதிவு தவறுதலாக விஞ்ஞானத்தில்
பதிவு செய்யப்பட்டு விட்டது
மன்னிக்கவும்

ஏங்கி இருந்தால் என்ன செய்தி பதிவு செய்தீர்களே அது போதும்