இந்திய கிரிக்கெட் வீரர்களின் சம்பளத்தை உயர்த்த முடிவு!

KavithaMohan · KavithaMohan Fri Dec 15, 2017 6:25 pm

இந்திய கிரிக்கெட் வீரர்களின் சம்பளத்தை உயர்த்த முடிவு!

இந்திய கிரிக்கெட் வீரர்களின் சம்பளம் உயர்த்த முடிவு செய்துள்ளதாக தகவல்கள் வெளியாகியுள்ளன. உலகின் பணக்கார கிரிக்கெட் அமைப்பாக இந்திய கிரிக்கெட் வாரியம் காணப்மடுகிறது. இந்திய அணியில் விளையாடும் வீரர்களுக்கான ஒப்பந்தம் மூன்று பிரிவுகளாக பிரிக்கப்பட்டு சம்பளம் வழங்கப்படுகிறது. ஏ பிரிவு வீரர்களுக்கு ஆண்டுக்கு ரூபா2 கோடியும்,பி பிரிவு வீரர்களுக்கு ரூபா1 கோடியும், சி பிரிவினருக்கு ரூபா50 லட்சமும் வழங்கப்பட்டு வருகின்றதாக தெரியவந்துள்ளது.

இந்த ஊதிய ஒப்பந்தம் கடந்த செப்டெம்பர் மாதத்துடன் முடிவடைந்துள்ளது.இந் நிலையில் இந்திய கிரிக்கெட் வாரியத்தின் வருமானம் அதிகரிப்பதால் அதற்கு இணையாக வீரர்களின் சம்பளத்தை கூட்ட வேண்டும் என்று இந்திய வீரர்கள் வலியுறுத்தியுள்ளனர்.பயிற்சியாளராக இருந்த அனில் கும்ப்ளே கிரேடு வீரர்களுக்குரிய சம்பளத்தை ரூபா5 கோடியாக உயர்த்த வேண்டும் எனவும் கூறியுள்ளார்.

இந்த நிலையில் இந்திய அணியின் கேப்டன் விராட் கோலி,ரவி சாஸ்திரி ஆகியோர் இந்திய கிரிக்கெட் வாரிய நிர்வாகக் குழு தலைவர் வினோத் ராயை சந்தித்து சம்பளம் விவகாரம் குறித்து கதைத்துள்ளனர்.அவர்கள் கோரிக்கைக்கு இந்திய கிரிக்கெட் வாரியம் ஒப்புதல் அளித்துள்ளதாகவும் கூறப்படுகிறது.இதையடுத்து இந்திய கிரிக்கெட் வீரர்களின் சம்பளம் நூறு சதவீதம் உயரக்கூடும் என கூறப்படுகிறது. உள்ளூர் போட்டிகளில் விளையாடும் வீரர்களுக்கும் சம்பளம் இருமடங்காக உயரவுள்ளதாக தெரிவிக்கப்பட்டுள்ளதாக தகவல்கள் வெளியாகியுள்ளன.

இந்திய கிரிக்கெட் வீரர்களின் சம்பளத்தை உயர்த்த முடிவு!

இந்திய கிரிக்கெட் வீரர்களின் சம்பளத்தை உயர்த்த முடிவு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக