அந்த ஒற்றை வார்த்தை!

உச்சபட்ச கொண்டாட்டத்தில் இருக்கிறது சில்லார் குடும்பம்.
மருத்துவக் குடும்பத்தில் ஒரு உலக அழகி என்றால் இருக்காதா?

அப்பா மித்ரா பாசு, அம்மா நீலம் மட்டுமில்லாமல் மாமா,
மச்சான், பங்காளி என்று சொந்தபந்தங்கள் பலரும் மருத்துவம்
படித்தவர்கள்.

சமர்த்தாக மெடிக்கல் காலேஜ் சென்று படித்துக் கொண்டிருந்த
இந்த 20 வயது ஹரியானா பெண்ணின் வாழ்க்கை திடீரென
யூ டர்ன் அடித்து இன்று அவரை இந்த உயரத்தில் நிறுத்தி உள்ளது.

சில மாசங்களுக்கு முன் மனுஷியை… நான் சந்திச்சப்ப் ரொம்ப
ரா வாக இருந்தார். பின்னர் அவருக்கு பயிற்சி தொடங்கிய
சில வாரங்களிலேயே மிகப் பெரிய மாற்றங்கள் அவரிடம்
தெரிந்தது. நிறைய உழைப்பை கொட்டினார் என்ரு மனுஷி புகழ்
பாடுகிறார் அவரை போட்டிக்கு தயார் செய்த டிசைனர்
ராக்கி ஸ்டார்.

118 போட்டியாளர்களை பின்னுக்கு தள்ளிவிட்டு டாப்-5க்கு
முன்னேறிய போட்டியாளர்களிடம் ஆளுக்கு ஒரே ஒரு கேள்வி
கேட்கப்பட்டது. அதற்கு மனுஜியிடம் இருந்து வந்த பதில் மட்டுமே
புத்திசாலித்தனமானதாக இருந்தது. அப்படி என்ன தான்
கேட்டார்கள் தெரியுமா?

ஸ்டஃபானி ஹில், மிஸ் இங்கிலாந்து:
–
உலகத் தலைவர்கள் அத்தனை பேர் முன்னிலையில் பேச
வாய்ப்புக் கிடைத்தால் என்ன பேசுவீர்கள்?

சுகாதாரத்தில் நிலவும் நிலையற்ற தன்மை பற்றி பேசுவேன்.
–
———-

ஆரா கிச்னின், மிஸ் ஃப்ரான்ஸ்:
–
உலகின் மிகச் சிறந்த கண்டுபிடிப்பு எது?
–
போக்குவரத்து
–
——————

மக்லைன் ஜரூட்டோ, மிஸ் ஃப்ரான்ஸ்:
–
இன்றைக்கு உலக அளவில் பெரிய பிரச்னையாக இருக்கும்
சைபர் க்ரைமை எப்படி தீர்த்து வைப்பது?
–
உலகின் பெரிய பிரச்னை அதுதான். அது முடிவுக்கு வர
வேண்டும்!
—-

ஆன்ரியா மெஸா, மெக்ஸிகோ:
–
உலக அழகிக்கு இருக்க வேண்டிய மிக முக்கியமான குணம்
என்ன?
–
அன்பு, எல்லோரிடமும் அன்பு செலுத்த வேண்டும்.
—

இப்படித்தான் மற்ற நாலு பேரும் மொக்கையாக பதில்
சொன்னார்கள். மனுஷியிடம் எந்த வேலைக்கு அதிக சம்பளம்
கொடுக்க வேண்டும் என்று நினைக்கிறீர்கள்?
என்று கேட்டதற்கு

அம்மா என்ற ஒற்றை வார்த்தையில் டோட்டல் அரங்கத்தையே
ஆஃப் ஆக்கி 17 வருடங்களுக்குப் பிறகு 6வது முறையாக உலக
அழகிப் பட்டத்தை இந்தியாவுக்குப் பெற்று தந்துள்ளார்.

சென்டிமென்ட்ல நம்மாளுங்களை அடிச்சுக்க யாரு இருக்கா?
–
———————————

– ஹம்ரீதி
குமுதம்