இந்தியாவில் தடுப்பு மருத்துவம்

ksikkuh · ksikkuh Wed Dec 06, 2017 12:55 pm

1802-ம் ஆண்டு ஜூன் 14-ம் நாள் மும்பையில் அன்னா தஸ்தால் என்ற மூன்று வயதுச் சிறுவனுக்குப் பெரியம்மை தடுப்பூசி போடப்பட்டதுதான் இந்தியாவில் தடுப்பு மருத்துவத்தின் தொடக்கம். 1892-ம் ஆண்டில் நாட்டில் அனைவரும் தடுப்பூசிகள் போடப்படவேண்டும் என்ற, கட்டாயச் சட்டம் கொண்டுவரப்பட்டது. 2010-ம் ஆண்டு வரை, ஒவ்வொரு நோய்க்கும் தனித்தனியாகத் தடுப்பூசி போடப்படுவது வழக்கத்தில் இருந்தது. 2011 அக்டோபர் மாதத்திலிருந்து, ஒரே நேரத்தில் பல நோய்களுக்குத் தடுப்பு ஆற்றல் உருவாவதற்கு ‘பென்டாவேலன்ட்’ எனும் கூட்டுத் தடுப்பூசி போடுவதற்கும் அனுமதி வழங்கப்பட்டது.
போலியோ இல்லாத இந்தியா!
1977-ல் இந்தியாவில் பெரியம்மை நோயை ஒழித்துவிட்டோம். 1978-ல் ‘விரிவாக்கப்பட்ட தேசிய தடுப்பு ஊசித் திட்டம்’ (Expanded Programme of Immunization- EPI) வரையறை செய்யப்பட்டது. இதன்படி, கிராமம், நகரம் என அனைத்து ஊர்களிலும் உள்ள இரண்டு வயதுக்கு உட்பட்ட குழந்தைகளுக்கு பிசிஜி, முத்தடுப்பு ஊசி, டைபாய்டு தடுப்பூசி, போலியோ சொட்டுமருந்து ஆகியவை இலவசமாகப் போடுவது வழக்கத்துக்கு வந்தது. 1983-ல் இந்தத் திட்டத்தில், கர்ப்பிணிகளுக்கு ‘டெட்டனஸ் டாக்சாய்டு’ தடுப்பூசி சேர்த்துக்கொள்ளப்பட்டது. 1985-ல் ‘போலியா ப்ளஸ்’ எனும் தடுப்பு மருந்துத் திட்டம் செயலுக்கு வந்தது. இதன் பலனால் 2014-ல் இந்தியா போலியோ இல்லாத நாடு என்ற சிறப்பைப் பெற்றது.

புதிய தடுப்பூசி அட்டவணை
தற்போது, அரசு மருத்துவமனைகளில் 10 நோய்களுக்கு இலவசமாகத் தடுப்பூசிகள் போடப்படுகின்றன. அதேவேளையில், குழந்தைகளின் நலம் காப்பதில் அதிக அக்கறை எடுத்துக்கொள்ளும், ‘இந்தியக் குழந்தைகள் நல மருத்துவக் கூட்டமைப்பு’ (IAP) 15 நோய்களுக்குக் கட்டாயத் தடுப்பூசிகள் போடப்பட
வேண்டும் என்றும், ஏழு நோய்களுக்கு விருப்பத்தின் பேரில் போடப்பட வேண்டும் என்றும் பரிந்துரை செய்துள்ளது. (அண்மையில் வெளிவந்துள்ள புதிய தடுப்பூசி அட்டவணை இங்கு தரப்பட்டுள்ளது.)
எல்லா வயதினருக்கும் தடுப்பூசி
தொடக்கத்தில் குழந்தைகளுக்கு மட்டுமே தடுப்பூசி போடப்பட்டு வந்தது. இப்போது, இள வயதினர், முதியவர் என அனைவருக்கும் தடுப்பூசி போடப்பட வேண்டும் என்ற கருத்து வலுப்பெற்று வருகிறது. இதன் மூலம், உலக அளவில் பல்வேறு தொற்றுநோய்களை ஒழித்து, மக்களின் ஆரோக்கியத்தை இன்னும் மேம்படுத்த முடியும் என்று நம்புகிறது உலக சுகாதார நிறுவனம். இதற்குப் பொதுமக்களின் விழிப்புஉணர்வும் ஒத்துழைப்பும்தான் உடனடியாகத் தேவை.

________________________________________
மருத்துவரின் ஆலோசனைப்படி தேவைப்படும்போது போடப்பட வேண்டிய தடுப்பூசிகள் விவரம்:
இன்ஃபுளுயென்சா தடுப்பூசி
மெனிங்கோகாக்கல் தடுப்பூசி
ஜப்பானிய மூளைக்காய்ச்சல் தடுப்பூசி
காலரா தடுப்பூசி
வெறிநாய்க்கடி தடுப்பூசி
மஞ்சள் காய்ச்சல் தடுப்பூசி
நிமோனியா தடுப்பூசி – பிபிஎஸ்வி23

**பழ.முத்துராமலிங்கம்** · 27/09/2015

ksikkuh wrote:
மருத்துவரின் ஆலோசனைப்படி தேவைப்படும்போது போடப்பட வேண்டிய தடுப்பூசிகள் விவரம்:
இன்ஃபுளுயென்சா தடுப்பூசி
மெனிங்கோகாக்கல் தடுப்பூசி
ஜப்பானிய மூளைக்காய்ச்சல் தடுப்பூசி
காலரா தடுப்பூசி
வெறிநாய்க்கடி தடுப்பூசி
மஞ்சள் காய்ச்சல் தடுப்பூசி
நிமோனியா தடுப்பூசி – பிபிஎஸ்வி23

மேற்கோள் செய்த பதிவு: 1252643
இந்தியாவில் தடுப்பு மருத்துவம் 103459460

இந்தியாவில் தடுப்பு மருத்துவம் 1571444738

இந்தியாவில் தடுப்பு மருத்துவம்

இந்தியாவில் தடுப்பு மருத்துவம்

Re: இந்தியாவில் தடுப்பு மருத்துவம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக