தெலங்கானா அரசு தீவிரம் பிறந்த குழந்தைகளுக்கு உடனடி ஆதார்

**பழ.முத்துராமலிங்கம்** · 27/09/2015

ஐதராபாத்: பிறந்த குழந்தைகளுக்கு உடனடியாக ஆதார் வழங்கும் திட்டத்தை தீவிரமாக செயல்படுத்த தெலங்கானா அரசு முடிவு செய்துள்ளது.
வங்கி கணக்கு, அரசு மானியங்கள், லைசென்ஸ் உள்ளிட்டவற்றுக்கு ஆதார் எண் அவசியமாகி விட்டது. முக்கிய ஆவணங்கள் பெறுவதற்கு ஆதார் முக்கியம் என்பதால், ஆதார் அட்டை எடுத்துக்கொள்வது அவசியம் என்ற நிலை ஏற்பட்டுள்ளது. நாடு முழுவதும் இதுவரை சுமார் 115 கோடி பேருக்கு ஆதார் அட்டை வழங்கப்பட்டுள்ளதாக புள்ளிவிவரங்கள் தெரிவிக்கின்றன. இந்நிலையில், ஆதார் அட்டை வழங்கும் பணியில் தெலங்கானா அரசு மும்முரம் காட்டி வருகிறது. மாவட்ட தலைநகரங்கள், தாலுகாக்களில் நிரந்தர ஆதார் சேவை மையங்கள் அமைக்கப்பட்டுள்ளன. ஆதார் எடுப்பதன் அவசியம் குறித்து மக்களிடம் விழிப்புணர்வும் ஏற்படுத்தப்பட்டு வருகிறது.
இந்நிலையில், பெரியவர்கள் மட்டுமின்றி பிறந்த குழந்தைக்கும் ஆதார் அட்டை வழங்கும் திட்டத்தை தெலங்கானா அரசு அறிமுகப்படுத்தி உள்ளது.
மருத்துவமனைகளில் குழந்தை பிறந்து சில மணி நேரத்துக்கு பின் குழந்தையின் புகைப்படம் எடுக்கப்படுகிறது. இதனுடன் பெற்றோரின் புகைப்படங்கள், கைரேகை ஆகியவையும் சேர்த்து குழந்தைக்கு ஆதார் பதிவு செய்யப்படுகிறது. இதையடுத்து, ஓரிரு நாட்களில் ஆதார் அட்டையும் வழங்கப்படுகிறது. இந்த அட்டையை 5 வயது வரை பயன்படுத்தலாம். பின்னர், பழைய அட்டையை ஆதார் மையங்களில் கொடுத்து, குழந்தையின் பெயர், கைரேகையை பதிவு செய்து புதிய அட்டையை வாங்கிக் கொள்ளலாம். ஆனால் ஆதார் எண்ணில் மட்டும் மாற்றம் செய்யப்படாது. இத்திட்டத்துக்கு தெலங்கானாவில் மிகுந்த வரவேற்பு கிடைத்துள்ளது.
நன்றி
தினகரன்

தெலங்கானா அரசு தீவிரம் பிறந்த குழந்தைகளுக்கு உடனடி ஆதார்

தெலங்கானா அரசு தீவிரம் பிறந்த குழந்தைகளுக்கு உடனடி ஆதார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக