பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

**பழ.முத்துராமலிங்கம்** · 27/09/2015

கொடைக்கானல்: புதிய விஸ்தரிப்பு, கனிம வளம் சுரண்டல் என தடை செயல்கள் கொடைக்கானல் மலைப்பகுதிகளில் தாராளமாக நடந்து வருகின்றன. இதனால் ‘மலைகளின் இளவரசி’ கொடைக்கானலின் இயற்கை வளங்கள் மொட்டையடிக்கப்பட்டு வருகின்றன. பருவநிலை மாற்றத்தால் மேற்குத் தொடர்ச்சி மலைத்தொடரில் பல்வேறு பாதிப்புகள் ஏற்பட்டு வருகின்றன. இதுகுறித்து ஆய்வு செய்ய மத்திய அரசு, பேராசிரியர் மாதவ் காட்கில் தலைமையில் 14 பேர் கொண்ட குழுவை 2010ம் ஆண்டு மார்ச் 4ம் தேதி அமைத்தது. இக்குழுவின் அறிக்கை மத்திய அரசுக்கு திருப்தி தராத காரணத்தினால் டாக்டர் கஸ்தூரிரங்கன் தலைமையில் 9 பேர் கொண்ட உயர்மட்ட குழுவை 2012ம் ஆண்டு ஆக. 17ம் தேதி நியமித்தனர். இக்குழு 2013ம் ஆண்டு ஏப். 13ம் தேதி தனது அறிக்கையை சமர்ப்பித்தது.
அதில், மேற்குத் தொடர்ச்சி மலைப்பகுதிகளில் உள்ள ஆக்கிரமிப்புகளை அகற்ற வேண்டும், மணல் குவாரி, கல் குவாரி மற்றும் சுரங்கப் பணிகளை தடை செய்ய வேண்டும். 20,000 சதுர மீட்டருக்கு மேல் கட்டுமானம் கூடாது’ என கூறப்பட்டிருந்தது. இதை தொடர்ந்து மத்திய அரசு, மேற்குத்தொடர்ச்சி மலைப்பகுதிகளை பாதுகாக்கப்பட்ட பகுதியாக அறிவித்தது. இதுகுறித்து இயற்கை ஆர்வலர்கள் கூறுகையில்..
நன்றி
தினகரன்

**பழ.முத்துராமலிங்கம்** · 27/09/2015

மேற்குத் தொடர்ச்சி மலைத்தொடரில் ஆக்கிரமிப்பு பகுதிகளாக தமிழகத்தில் கன்னியாகுமரி, நெல்லை, விருதுநகர், தேனி, திண்டுக்கல், திருப்பூர், கோவை, நீலகிரி ஆகிய எட்டு மாவட்டங்களில் உள்ள 135 கிராமங்களும், குறிப்பாக கொடைக்கானல் மலைப் பகுதியில் மட்டும் 50க்கும் மேற்பட்ட கிராமங்களும் வருகின்றன. இந்த பகுதிகளில் புதிய பட்டா வழங்குதல், புதிய விவசாய விஸ்தரிப்புகள், புதிய குடியிருப்புகள், வளர்ச்சி திட்டங்கள், பள்ளி, மருத்துவமனை, மேல்நிலை நீர்தேக்கம், போக்குவரத்து போன்ற திட்டங்கள் கூடாது. வன நிலங்களை வேறு பணிகளுக்கு பயன்படுத்த கூடாது. இவை தான் கஸ்தூரிரங்கன் குழுவின் தமிழகத்தில் உள்ள மேற்குத் மலைத்தொடரை காப்பாற்றுவதற்குண்டான அறிக்கை. எனினும் கொடைக்கானலில் மேற்கண்டவை தொடர்ச்சியாக நடைபெற்று வருவது வேதனையான விஷயம். அளவுக்கு அதிகமான விதியை மீறிய கட்டிடங்கள், பாறைகள் உடைப்பு, கனரக இயந்திரங்களின் பயன்பாடு, நிலங்களை அதிர வைக்கும் கம்ப்ரசர் பயன்பாடு என மேற்குத்தொடர்ச்சி மலையை அழிக்கும் செயல்கள் கொடைக்கானல் மலைப்பகுதிகளில் தாராளமாக நடக்கின்றன.

**பழ.முத்துராமலிங்கம்** · 27/09/2015

பல்லுயிர் காடுகள் அழிந்து வருவதால் உணவைத் தேடி பலதரப்பட்ட வன விலங்குகள் நகரை நோக்கி படையெடுத்து வருகின்றன. அரசாங்கம் என்னதான் சட்டதிட்டங்கள் வகுத்தாலும் தென்னிந்தியாவிற்கு மழைப் பொழிவையும், பாசனம், சாகுபடி, மின்சாரம் போன்றவற்றிற்கு மிக முக்கிய காரணியாக விளங்கும் மேற்குத் தொடர்ச்சி மலைகளை மனிதர்களாகிய நாம் உணர்ந்து இதனை காப்பாற்றினால் மட்டுமே வருங்காலங்களில் நல்ல மழை பெய்து, நீர் நிலைகள் பெருகி, எதிர்கால சந்ததியினர் வாழ முடியும். ஆகவே மேற்குத் தொடர்ச்சி மலைகளை காப்பாற்றி அதனை பல்லுயிர் காடுகளாக மாற்ற நம்மால் ஆன முயற்சிகளை இன்றே மேற்கொள்வோம். இவ்வாறு தெரிவிக்கின்றனர்.
* மேற்குத் தொடர்ச்சி மலைத்தொடர் மராட்டியம் - குஜராத் மாநிலங்களின் எல்லையில் துவங்கி கோவா, கர்நாடகா, தமிழ்நாடு, கேரளா ஆகிய மாநிலங்களில் வழியாக சென்று கன்னியாகுமரியில் முடிவடைகிறது.
* இதன் நீளம் 1600 கிமீ, உயரம் சராசரியாக 900 மீட்டர், பரப்பளவு 60,000 சதுர கிமீ.

நன்றி
தினகரன்

Sponsored content · Sponsored content

பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

Re: பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

Re: பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

Re: பல்லுயிர் மலைத்தொடரை பாதுகாப்பதில் நமது பங்கு என்ன? அழிக்கலாமா இளவரசியின் அழகை?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக