பற… பற… புதுவைப் பறவைகள்!

**பழ.முத்துராமலிங்கம்** · 27/09/2015

பு

துச்சேரிக்குச் சுற்றுலா வருபவர்கள் தவறாமல் சென்றுவரும் பகுதிகளில் ஊசுடு ஏரியும் ஒன்று. கண்ணுக்கு எட்டிய தூரம்வரை கடல்போல் காட்சியளிக்கும் குளிர்ந்த நீர்ப்பரப்பு, அதன் மேற்புறத்தை தங்கள் அழகால் நிறைக்கும் பறவைகள், மன பாரத்தை மறந்து உள்ளம் மகிழ்ந்து களிக்க அழகிய படகுப் பயணம் என இந்த ஏரி பார்வையாளர்களைப் பரவசப்படுத்தத் தவறுவதில்லை. இங்கு வந்து செல்பவர்களின் எண்ணிக்கை நாளுக்கு நாள் அதிகரித்தபடி இருக்கிறது. புதுச்சேரியின் நிலத்தடி நீர் ஆதாரமாகவும் விவசாயிகளின் உயிர்நாடியாகவும் இந்த ஏரி விளங்குகிறது.
பற… பற… புதுவைப் பறவைகள்! 6H39dKomReSewuzuuA4h+19CHVANPondyUusuteri01JPG

பற… பற… புதுவைப் பறவைகள்! 6H39dKomReSewuzuuA4h+19CHVANPondyUusuteri01JPG

வெற்றி! வெற்றி!

புதுச்சேரி மாநிலத்தின் மிகப்பெரிய, பழமை வாய்ந்த ஏரி ஊசுடு. சோழ மன்னன் கோப்பெருஞ்சிங்கன் இந்த ஏரிக்கு மதகுகளும் கால்வாய்களும் கட்டினான் என்று திருவக்கரைக் கோயில் கல்வெட்டுகள் தெரிவிக்கின்றன.

புதுச்சேரியிலிருந்து மேற்கே 12 கி.மீ. தொலைவில் அமைந்துள்ளது இந்த ஏரி. மொத்த நீர்ப்பிடிப்புப் பகுதி 15.54 சதுர கி.மீ. ஏரிக் கரையின் மொத்த நீளம் 7.2 கி.மீ. மொத்தக் கொள்ளளவு 54 கோடி கனஅடி. சங்கராபரணி ஆறு,வீடூர் அணையிலிருந்து ஊசுட்டேரிக்கு நீர் வருகிறது.மேலும் சுத்துக்கேணி கால்வாய் மூலம் செஞ்சியாற்றிலிருந்தும் ஏரிக்குப் பெருமளவில் நீர் வருகிறது. இதனால் பாசன வசதிபெறும் நிலங்கள் தோராயமாக 1,500 ஹெக்டேர்.
நன்றி
தி இந்து

**பழ.முத்துராமலிங்கம்** · 27/09/2015

பறவை சரணாலயம்

மிகப்பெரிய ஏரியான ஊசுடு, 800 ஹெக்டேர் பரப்பளவைக் கொண்டது. இதில், 410 ஹெக்டேர் தமிழகப் பகுதியிலும் 390 ஹெக்டேர் புதுச்சேரிப் பகுதியிலும் அமைந்துள்ளது. புதுச்சேரியில் தொடங்கி கிழக்குப் பகுதியில் தமிழக எல்லைப் பகுதியான விழுப்புரம் மாவட்ட வானூர், காசிப்பாளையம். மணவெளி, பெரம்பை ஆகிய பகுதிகள்வரை ஏரி பரவியுள்ளது. 2008-ல் புதுச்சேரி அரசும் 2014-ல் தமிழக அரசும் ஊசுடு ஏரியைப் பறவை சரணாலயமாக அறிவித்தன.
பற… பற… புதுவைப் பறவைகள்! ZqOZRIBaQNOsVKPL5eFr+19CHVANPondyUusuteri02JPG

பற… பற… புதுவைப் பறவைகள்! ZqOZRIBaQNOsVKPL5eFr+19CHVANPondyUusuteri02JPG

இது இளம் சங்குவளை நாரை!

உணவு மற்றும் இனப்பெருக்கத்துக்காக நூற்றுக்கணக்கான பறவை வகைகள் நவம்பர் மாதம் தொடங்கி டிசம்பர், ஜனவரியில் அதிகளவில் வருகின்றன. ஏராளமான பட்டாம்பூச்சிகளும் இங்கு வலம் வருவதைப் பார்க்க முடியும்.

கோவையில் உள்ள சாலிம் அலி ஆய்வு நிறுவனம் ஊசுடு ஏரியை ஆய்வுசெய்து 168 பறவை இனங்கள் இங்கு வருவதாகவும், 29 பறவை இனங்கள் வெளிநாட்டைச் சேர்ந்தவை என்றும் தெரிவித்துள்ளது. நாமக்கோழி என்கிற நீர்ப்பறவை இனம் இங்குதான் அதிகளவில் இனப்பெருக்கம் செய்கிறது. இப்பகுதியில் பறவைகள் கள்ளவேட்டைக்கு உள்ளாவதும் உண்டு. அதைத் தடுக்கப் பல காலமாக முயற்சிகள் மேற்கொள்ளப்பட்டு வருகின்றன
நன்றி
தி இந்து

பற… பற… புதுவைப் பறவைகள்!

பற… பற… புதுவைப் பறவைகள்!

Re: பற… பற… புதுவைப் பறவைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக