என்னிடம் ஆயுதம் இருக்குமானால் ? (சூடான் நாட்டுப் பாடல்)

என்னிடம் ஆயுதம் இருக்குமானால் ? (சூடான் நாட்டுப் பாடல்)


காற்றோடு காற்றாக-
வந்தது மணலில் ஒரு கலவரம்!
அது –
எங்களை ஓட்டமெடுக்க வைத்தது !
அப்பாவியாகிய எங்களுக்கு உயிர் பயம் வந்தது!

ஆனால்-
என்னிடம் மட்டும் அப்போது ஆயுதக் குவியல்-
பத்தடி உயரமுள்ள ஆயுதக் குவியல்- இருக்குமானால்,
நான் எல்லாவற்றிற்கும் அப்போது முடிவு கட்டியிருப்பேன் !

என்னிடம் தேவையான உணவும்-
தேவையான கல்வியும் இருந்திருந்தால்-
கறுப்பு நிறம் ஒரு சிக்கலாக இருந்திருக்காது !

எனக்கு ஒரே ஒரு ஆசை இருக்குமானால்-
அது-
என்னைச் சுற்றியுள்ள ஆயுதங்கள் எல்லாம்-
மணலாகப் போகவேண்டும் என்பதே!
துப்பாக்கி பிடித்துள்ள கைகளெல்லாம்-
வெறுங்கைகளாக வேண்டும் என்பதே!
அவர்கள்-
அவர்கள் பக்கமே ஓடிவிடவிட வேண்டும் !

காற்று ஓட்டத்தில்-
அவர்கள் வந்தார்கள்-
தனியாக-
கொன்று குவிக்கும் ஒரு தாகத்தோடு!

குதிரைகள் டக்டக் சத்தத்துடன் வந்தன!
ஆனால்-
அங்கு இரத்தம் சிந்தப்போகிறது !
இரத்தம்- கறுப்பு இரத்தம் !

ஆனால்-
பத்தடி உயரத்திற்கு –
என்னிடம் ஆயுதக் குவியல் இருக்குமானால்-
எனது நிறம் ஒரு குறைபாடாக இருந்திருக்காது !

எனக்கு ஓர் ஆசை இருக்குமானால்-
அது-
அங்குள்ள ஆயுதங்கள் அனைத்தும் மணலாகப் போகவேண்டும் என்பதே!
துப்பாக்கிக் கைகளெல்லாம் வெறுங்கைகளாகவேண்டும் என்பதே!

எனக்கு ஓர் ஆசை இருக்குமானால்-
அது-
சூடானை விட்டு எல்லா ஆயுதங்களும் –
வெளியே போகவேண்டும் என்பதே!
துப்பாக்கி ஏந்திய கைகள் எல்லாம்-
ஆற்றில் கைகளைக் கழுவ வேண்டும் என்பதே!


எனது தாய் நிலத்தில்-
இப்போதுள்ள நகர்-
பாழாகி இருக்கிறது !
நான் மீண்டும் வருவேன்!

என்னைப் பூதமாக ஆக்கிவிட்டால்-
அப்போதும்-
நான் அங்கேயே இருப்பேன் !
சுதந்திரமாக் உலாவிவருவேன் !


( ’ சூடான் நாட்டுப் பாடலை .ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)