அவள் என்னைக் கரங்களால் அணைத்தபோது! (அயர்லாந்து நாட்டுப்புறப் பாடல்)

அவள் என்னைக் கரங்களால் அணைத்தபோது! (அயர்லாந்து நாட்டுப்புறப் பாடல்)

அது ஒரு சந்தையாக இருந்தபோதும்-
நான் அங்குமிங்கும் திரிந்தேன்
கடவுளை வேண்டினேன் !
எனக்கு ஒரு பெண் கிடைக்கவேண்டும் – அவளை நான்
ஒரு நாள் மணக்கவேண்டும் !

ஆஆ! நான் கனவிலும் நினைக்கவில்லை!
நான் இறைஞ்சியவாறே-
எனது விருப்பப்படியான பெண் ஒருத்தி
அங்கே நின்று கொண்டிருந்தாள்!

அன்றிரவு –
அவள் கரங்களில் என்னைத் தாங்கியபோது-
நான் என் பக்கமாக அவளை இறுக அணைத்தேன் !

நான் அன்று ஒரு உறுதி எடுத்தேன்!
நான் என் வாழ்க்கை முழுதும் அவளைக் காதலிப்பேன் என்று!
அவளது தோல் –
லைலாக் வாசனை அடிப்பது !
நான் ஒத்துக்கொள்கிறேன்
ஆம் ! அந்த வாசனைதான் என்னை அவளிடம் இழுத்தது !

ஆ! அவள் குரல் !-
அந்தக் குரலில் வரும் சொல்லுக்கு –
அப்படியே நான் கட்டுப்படுவேன் !
அவளின் ஒவ்வொடு சொல்லும்-
என்னை இழுத்துக்கொண்டு போகும்-
ஆற்று நீர் இழுத்துச் செல்வதைப்போல!

அந்தக் கடைத்தெரு-
ஒரு அழகான இடமாக ஆனது !
பூக்கள் மிக வாசனை தருவதாக ஆயின!
துணிகள் –
வன்ண வேலைப்படுகளுடன் காணப்பட்டன !
அவள் கண்கள் !-
ஓ! அந்தக்கண்கள்!-
என்னைக் கெஞ்சின – அங்கேயே இருக்கும்படி !

இருபது ஆண்டுகளுக்குப் பின்னரும்-
நான் ஒருநாள் கூட –
அந்தநாளை நினைத்து ஏங்காத நாளில்லை!


( ’ When She Held Me in Her Arms’ என்ற அயர்லாந்து நாட்டுப்புறப் பாடலை .ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன்)
Courtesy - thebards.net