''தாய்மையின் உன்னதத்தை இந்தியாவில்தான் கண்டேன்'' - நெகிழும் புகைப்படக் கலைஞர்

குட்டி மானுக்குத் பெண் ஒருவர் தாய்ப்பால் ஊட்டும் புகைப்படம் இணையத்தில் வைரலாகி வருகிறது.


இந்தப் புகைப்படத்தைப் புகழ்பெற்ற சமையற்கலைஞர் விகாஷ் கண்ணா வெளியிட்டுள்ளார். இன்ஸ்டாகிராமில் பதிவிட்ட ஒரு மணி நேரத்தில் இந்தப் புகைப்படம் 13,000 லைக்குகளைப் பெற்றது. ராஜஸ்தானில் பிஷ்னோய் இனத்தைச் சேர்ந்த பெண் ஒருவர் குட்டி மானுக்கு தாய்ப்பால் ஊட்டுகிறார். இதே போன்று தாயை இழந்து தவிக்கும் ஏராளமான மான்குட்டிகளுக்கு தாய்ப்பால் ஊட்டி காப்பாற்றியுள்ளதாக அந்தப் பெண் கூறியதாகவும் விகாஷ் கண்ணா தன் பதிவில் கூறியுள்ளார்.
''நான் அந்தப் பெண்ணிடம் கருணையையும் மனிதநேயத்தையும் கண்டேன். அனல் வீசும் ராஜஸ்தான் பாலைவனத்தில் ஏராளமான மான் குட்டிகளை அவர் காப்பாற்றியுள்ளார். காயமடைந்த மான்களுக்கும் தாயாக இருந்து பராமரிக்கிறார்'' #HighestRespect and #BelovedIndia ஹேஸ்டேக்குடன் இந்தப் புகைப்படத்தைப் பதிவிட்டுள்ளார்.
விகாஷ் கண்ண BelovedIndia என்ற நிகழ்ச்சிக்காக ராஜஸ்தான் மாநிலம் ஜோத்பூருக்கு வந்தபோது இந்தப் புகைப்படத்தை எடுத்துள்ளார். தாய்மையின் உன்னதத்தை இந்தியாவில்தான் கண்டேன் என நியூயார்க் நகரைச் சேர்ந்த விகாஷ் கண்ணா நெகிழ்கிறார்.
பிஷ்னோய் இன மக்கள் இயற்கை, விலங்குகள் மீது மிகுந்த அக்கறைகொண்டவர்கள். மேற்கு ராஜஸ்தானில் இந்த மக்கள் அதிகமாக வசித்து வருகிறார்கள். காட்டுக்குள் இவர்களை மீறி யாரும் வேட்டையில் ஈடுபட முடியது. காடுகளை இயற்கையைக் காப்பாற்றும் நோக்கத்தில் உருவான 'சிப்கோ இயக்கம் உருவாகக்கூட பிஷ்னோய் இன பெண் ஒருவர்தான் காரணமாக அமைந்தார். 1973-ம் ஆண்டு சுந்தர்லால் பெகுகுனா தலைமையில் சிப்போ இயக்கம் மரங்கள் வெட்டப்படாமலும் வனவிங்குகள் கொல்லப்படாமலும் பெரும் போராட்டம் நடத்தியது.
பிஷ்னோய் இனத்து மக்களின் விலங்குகள் மீதான பாசத்தை உலகறியச் செய்த விகாஷ் கண்ணாவுக்குப் பாராட்டு குவிந்து வருகிறது.
நன்றி
விகடன்