டெங்கு நோயாளிக்கு ரூ.16 லட்சம் பில் : டெல்லி போர்டிஸ் மருத்துவமனையில் கட்டண கொள்ளை

**பழ.முத்துராமலிங்கம்** · 27/09/2015

டெல்லி : ஹரியானா மாநிலம் குருகிராமில் டெங்குவால் பாதிக்கப்பட்ட சிறுமி உயிரிழந்த நிலையில் அவரது 15 நாள் சிகிச்சை செலவு கட்டணமாக டெல்லி போர்டிஸ் தனியார் மருத்துவமனை ரூ. 16 லட்சம் கட்டணம் கேட்ட இரக்கமற்ற சம்பவம் நிகழ்ந்திருக்கிறது. டெல்லி, துவர்கா நகரைச் சேர்ந்த ஆத்யா சிங் என்ற 7 வயது சிறுமிக்கு டெங்கு காய்ச்சல் ஏற்பட்டது.

முதலில் ராக்லேண்ட் என்ற மருத்துவமனையில் சிகிச்சைக்காக சேர்க்கப்பட்ட சிறுமி, பின்னர் குருகிராமில் உள்ள போர்டீஸ் மருத்துவமனையில் சேர்க்கப்பட்டார். அங்கு தீவிர சிகிச்சை பிரிவில் வைத்து சிறுமிக்கு சிகிச்சை அளிக்கப்பட்டு வந்தது. சிகிச்சை தொடங்கிய சில நாட்களிலேயே சிறுமிக்கு மூலையில் கடும் சேதம் ஏற்பட்டிருப்பது எம்.ஆர்.ஐ. மூலம் கண்டுப்பிடிக்கப்பட்டது.

இதையடுத்து வேறு மருத்துவமனைக்கு கொண்டு செல்ல முற்பட்ட போது,மருத்துவமனை நிர்வாகம் அனுமதிக்கவில்லை என்றும் சிறுமியின் தந்தாகி ஜெயந்த் சிங் கூறியுள்ளார். கடந்த 17ம் தேதி சிறுமி உயிரிழந்து விட்ட நிலையில் சிறுமியின் தந்தையிடம் 15 நாள் சிகிச்சை கட்டணமாக 16 லட்சம் ரூபாய்க்கான பில் வழங்கப்பட்டது. சிறுமி அணிந்திருந்த சிகிச்சை உடைக்கும் அதில் கட்டணம் சேர்க்கப்பட்டிருந்தது.

**பழ.முத்துராமலிங்கம்** · 27/09/2015

660 சிரஞ்சுகள், 2700 கையுறைகள் சிறுமிக்காக பயன்படுத்தப்பட்டதாகவும் ரசீதில் குறிப்பிடப்பட்டிருந்ததால் பெற்றோர் அதிர்ச்சி அடைந்தனர். கட்டணத்தை செலுத்திய பின்னரே சிறுமியின் உடலை எடுத்துச் செல்ல மருத்துவமனை அனுமதி அளித்ததாகவும் அவரது தந்தை வேதனை தெரிவித்துள்ளார். இந்த கொடுமைகளை கண்ட ஜெயந்த் சிங்கின் நண்பர், மருத்துவமனையின் இரக்கமற்ற செயல் குறித்து டிவிட்டரில் தகவல் பதிவிட்டார்.

இந்த தகவல் காட்டு தீ போல் வேகமாக பரவியதால் சுகாதாரத்துறை அமைச்சர் ஜே .பி. நட்டா இந்த விவகாரத்தில் தலையிட்டார். இதுகுறித்து அனைத்து தகவல்களையும் தம்முடைய மின் அஞ்சலுக்கு அனுப்புமாறு சிறுமியின் குடும்பத்தினரை அவர் டிவிட்டர் வாயிலாக கேட்டு கொண்டார். இந்த நிலையில் சிறுமிக்கு மருத்துவ நெறிமுறையின்படி உரிய சிகிச்சை அளிக்கப்பட்டதாகவும் இதற்கான செலவு தான் 6 லட்சம் ரூபாய் என்றும் மருத்துவமனை நிர்வாகம் தெரிவித்துள்ளது.
நன்றி
தினகரன்

டெங்கு நோயாளிக்கு ரூ.16 லட்சம் பில் : டெல்லி போர்டிஸ் மருத்துவமனையில் கட்டண கொள்ளை

டெங்கு நோயாளிக்கு ரூ.16 லட்சம் பில் : டெல்லி போர்டிஸ் மருத்துவமனையில் கட்டண கொள்ளை

Re: டெங்கு நோயாளிக்கு ரூ.16 லட்சம் பில் : டெல்லி போர்டிஸ் மருத்துவமனையில் கட்டண கொள்ளை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக