இரவு முழுவதும் விழித்திருந்த மக்கள் குளச்சலில் சுனாமி பீதியால் பரபரப்பு

**பழ.முத்துராமலிங்கம்** · 27/09/2015

குளச்சல்: குளச்சல் கடலோர பகுதியை சுனாமி தாக்கக்கூடும் என்ற தகவல் பரவியதால் மீனவர்கள் இரவு முழுவதும் தூங்காமல் விழித்திருந்தனர்.
கடந்த சில நாட்களாக வாட்ஸ்அப்பில் இந்திய பெருங்கடல் பகுதியில் பூகம்பம் ஏற்பட்டு சுனாமி அலைகள் எழும்பி தமிழக, கேரள கடலோர பகுதிகளை கடுமையாக தாக்கும் என தகவல் பரவி வருகிறது. இதனை கேரளாவை சேர்ந்த ஒரு ஆராய்ச்சி நிறுவனம் வெளியிட்டு எச்சரித்துள்ளதாக தகவல்கள் கூறுகிறது.
இந்நிலையில் நேற்று முன்தினம் இரவு குளச்சலை அடுத்த கொட்டில்பாடு, சைமன்காலனி மீனவ கிராமங்களை சேர்ந்த சிலருக்கு செல்போனில் கொட்டில்பாடு பகுதியில் சுனாமி வருவதாக எச்சரிக்கை செய்யப்பட்டுள்ளது. இந்த தகவல் காட்டுத் தீ போல் குளச்சல் கடலோர பகுதிகளில் பரவியது. இதனால் அப்பகுதி மக்களிடையே பீதியும், பதட்டமும் ஏற்பட்டது. இதையடுத்து குளச்சல், சைமன்காலனி பகுதி மீனவர்கள் இரவு முழுவதும் தூங்காமல் கண் விழித்து இருந்தனர். விடிந்ததும் அந்த தகவல் வெறும் வதந்தி என தெரிந்து நிம்மதியடைந்தனர்.
நன்றி
தினகரன்
இரவு முழுவதும் விழித்திருந்த மக்கள் குளச்சலில் சுனாமி பீதியால் பரபரப்பு YiwmxvyeTZmTsgfOQsju+e1bc58af8f275de359d9f680e0069c6d