பத்மாவதி பட விவகாரம் : சர்ச்சைக்குரிய கருத்து தெரிவித்த பாரதீய ஜனதா எம்.பி

மும்பை

சித்தூர் ராணி பத்மினியின் கதை இந்தியில் ‘பத்மாவதி’ என்ற
பெயரில் சினிமாவாக தயாரிக் கப்பட்டுள்ளது.

நடிகை தீபிகா படுகோனே ராணி பத்மினியாக நடித் துள்ளார்.
பிரபல இயக்குனர் சஞ்சய் லீலா பன்சால் என்பவர் திரைக்கதை
வசனம் எழுதி இயக்கி உள்ளார்.

கவிஞர் மாரிக் முகமது ஜெயாசி எழுதிய கவிதையை
அடிப்படையாக கொண்டு இந்தப் படம் தயாரிக்கப்பட்டுள்ளது.

நடிகர் ஷாகித் கபூர் ராணி பத்மினியின் கணவர்
ராவல் ரத்தன் சிங்காகவும் டெல்லியை ஆண்ட சுல்தான் அலாவுதீன்
கில்ஜியாக ரன்வீர் சிங்கும் நடித்துள்ளனர்.

வருகிற டிசம்பர் 1-ந்தேதி பத்மாவதி படம் திரைக்கு வருகிறது.
இதற்கிடையே பத்மாவதி படத்துக்கு ரஜபுத்தர மன்னர்களின்
வம்சத்தினர் எதிர்ப்பு தெரிவித்துள்ளனர். குஜராத்தில் சட்ட சபை
தேர்தல் நடைபெறும் இந்த நேரத்தில் பத்மாவதி படம்
வெளியானால் குறிப்பிட்ட பிரிவினர் இடையே தாக்கத்தை
ஏற்படுத்தும் என்பதால் பா.ஜனதா இந்தப் படத்துக்கு எதிர்ப்பு
தெரிவித்துள்ளது.

‘பத்மாவதி’ படத்தை திரையிட தடை விதிக்க கோரி தேர்தல்
கமிஷனுக்கு பா.ஜனதா கடிதம் எழுதியுள்ளது. பா.ஜ.க எம்.பி.
மற்றும் பல இந்து குழுக்கள் இந்த படம் பத்மினியைப் பற்றிய
வரலாற்றை திசைதிருப்புவதாக புகார் கூறி வருகின்றனர்.,

இந்த நிலையில் பாரதீய ஜனதா எம்.பி ஒருவர் சினிமா
துறையினர் குறித்து சர்ச்சையை ஏற்படுத்தி உள்ளது. திரைப்பட
இயக்குனர் 'குடும்பங்களில் உள்ள பெண்கள் தினமும்
கணவனை மாற்றிக் கொள்கிறார்கள் எனவே ஒருவரது கவுரவம்
பாதுகாக்க தன்னைத்தானே கொலை செய்வதை அவர்கள்
புரிந்து கொள்ள மாட்டார்கள் என்று பா.ஜ. எம்.பி கூறி உள்ளார்.

சிந்தாமணி மால்வியா தனது பேஸ்புக் பக்கத்தில் கூறி
இருப்பதாவது:-

ராணி பத்மினியை இழிவுபடுத்துவதை சகித்துக் கொள்ள
முடியாது.கில்ஜி அவையின் கவிஞர்களால் எழுதப்பட்ட சிதைந்த
வரலாற்றை பன்சலி நம்பிஉள்ளார்.
"இது வெறும் தவறு அல்ல, அது கண்டிக்கத்தக்கது.

"ஒவ்வொரு இந்திய பெண்ணுக்கும், பத்மினி சிறந்த உதாரணம்.
இந்தியர்கள் அவரைபார்த்து பெருமை கொள்கிறோம்.
நாட்டின் சமூகம் மற்றும் கவுரவத்தை பாதுகாக்க, அவர்
ஆயிரகணக்கான பெண்களுடன் சேர்ந்து தன்னை தானே
தீவைத்து கொண்டார்.

இந்த "தியாகம்" திரைப்பட இயக்குனர் குடும்ப
உறுப்பினர்களுக்கு புரியவில்லை, ஏனெனில் அவர்கள் "தினமும்
கணவர்களை மாற்றிக் கொள்கிறார்கள்."
இவ்வாறு அவர் குறிப்பிட்டு உள்ளார்.
-
---------------------------------
தினத்தந்தி