என் அன்பே , கடைசியாக ஒரு முத்தம் ! (டச்சு நாட்டுப்புறப் பாடல்)

என் அன்பே , கடைசியாக ஒரு முத்தம் ! (டச்சு நாட்டுப்புறப் பாடல்)

கலத்தியா!-
இங்கே பார்! பொழுது விடிகிறது !
கலத்தியா!-
இங்கே பார்! பொழுது விடிகிறது !
“இல்லை என் அன்பே!
பொறு! இப்படியே இரு !
இது இரவு நட்சத்திரம்!
இல்லை என் அன்பே!
பொறு !இப்படியே இரு !
இது நிலவு !”

“கலத்தியா! – இது நிலவல்ல!
கலத்தியா! –இது நிலவல்ல!”
“காலை அரவம் எதுவும் இல்லை!
எப்படிப் பொழுது விடியும் ?
இப்போது மணி ஒன்றுகூட ஆகவில்லை;
பொழுது இப்போது விடியாது !”

“கலத்தியா ! ஆகாயத்தை உற்றுப்பார்!
கலத்தியா ! ஆகாயத்தை உற்றுப்பார்!”
“ஐயையோ! –
பொழுது விடிகிறதே!
நாம் தொலைந்தோம் !
ஐயையோ! நான் விடியலைப் பார்க்கிறேன் !
காலம் எப்படிப் பறக்கிறது!

இரவு ஏன் அடுத்த இரவுவரை நீள்வதில்லை?
இரவு ஏன் அடுத்த இரவுவரை நீள்வதில்லை?
அப்படி இருந்தால் –
நாம் பிரியவேண்டியதில்லை அல்லவா?
இறக்கும் நாள் வரை சேர்ந்தே இருக்கலாம் அல்லவா?

சரி! போய்வா என் அன்பே!
பத்திரமாகப் பார்த்துக்கொள்!
சரி! போய்வா என் அன்பே!
பத்திரமாகப் பார்த்துக்கொள்!”

“எனக்குக் கடைசி முத்தம் ஒன்று கொடு!
என் அன்பே! என் உயிரே!
இன்னொரு முத்தம் தா!
உனது மகிழ்வான உதட்டிலிருந்து அதை நீ தா!”

”என் வாழ்வின் ஒளியே !
இன்றிரவு மீண்டும் வா!
என் வாழ்வின் ஒளியே !
இன்றிரவு மீண்டும் வா!”
“உன் அம்மா –
நம் சந்திப்பைக் கேள்விப்பட்டால்-
அவள் கோபப்படுவாள்!
அவள் கோபப்பட்டாலும்-
நான் வருவேன் எப்படியும்!”

”ஓ! என் இதயமே!
உன்னை எப்படிப் போக அனுமதிப்பேன்?”
”ஓ! என் இதயமே!
உன்னை எப்படிப் போக அனுமதிப்பேன்?”
“பிரிவது துன்பம்தான்!
ஆனால்-
இன்றைய நாள்-
தழுவுவதிலும், அணைப்பதிலும்-
கழிந்தது !
உனக்கு மிக்க நன்றி-
உன் மென்மையான முத்தத்திற்கும்
மற்றவற்றிற்கும் !”


( ’A sorrowfull sad little girl sat down’ என்ற டச்சு மொழி நாட்டுப்புறப் பாடலை ; ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன் )
Courtesy - dutchsongs.overtuin.net