ஆணுக்கு சமமாக முன்னுக்கு வர வேண்டும்!

**ayyasamy ram** · **ayyasamy ram** Wed Oct 18, 2017 11:32 am

நான், 1955ல், கேரளாவிலுள்ள, ஒரு கிராமத்து பள்ளியில், 10ம் வகுப்பு,
தேர்ச்சி பெற்றேன். பல காரணங்களால், மேற்படிப்பு படிக்க
முடியவில்லை. பெற்றோர், எவ்வளவு முயன்றும், நல்ல வரனும்
கிடைக்கவில்லை. வீட்டில், அம்மாவுக்கு உதவியாக முடங்கி கிடந்தேன்.

என் நிலையை பார்த்த தாய்மாமா, வெளியூரில் படிப்பதற்காக,
அவருடன் அழைத்தார்; அப்போது என் வயது 21.

அவர், சிறந்த காந்தியவாதி; சுதந்திரப்போராட்டத்தில், சிறை சென்றவர்.
அம்மா, என்னை படிக்க அனுப்ப விரும்பவில்லை. நானும், 'இனி எனக்கு
படிப்பு மண்டையில் ஏறாது...' என்று கூறி அழுதேன்.
ஆனால், என்னை அருகில் உட்கார வைத்து உபதேசித்தார் மாமா.

'திருமணம் செய்து, குழந்தைகள் பெற்று, வீட்டில் முடங்கி கிடக்க
பிறக்கவில்லை. நன்றாக படித்து, ஆணுக்கு சமமாக முன்னுக்கு
வரவேண்டும். நீ புத்திசாலி. நிச்சயமாக படித்து, முன்னுக்கு வருவாய்...'
என்று, பல விதத்தில் எனக்கு புத்திமதி கூறி, கல்லூரியில் சேர்த்தார்.
நான் படித்து முடித்து, திருமணமும் நடந்தது.

தற்போது, என் வயது, 77. கணவன் மற்றும் மகனை இழந்து, தனிமையில்
வாழ்கிறேன். இந்நிலையில், நான் பெற்ற கல்வி எனக்கு உதவிக்கரம்
நீட்டுகிறது.

பத்திரிக்கைகளுக்கு கதை எழுதுகிறேன்; சிறிது வருமானமும் கிடைக்கிறது.
முக்கியமாக, என் தனிமையை போக்கி, மனதுக்கு ஊக்கமும், உற்சாகமும்
தருகிறது.

இந்த சந்தோஷத்துக்கு காரணம், தக்க சமயத்தில், உபதேசம் தந்த,
மறைந்து போன என் மாமா தான்; அன்பு மாமாவிற்கு அஞ்சலியாக
இதை எழுதுகிறேன்.
-
--------------------------
- சாவித்திரி, சென்னை.
சிறுவர்மலர்

ஆணுக்கு சமமாக முன்னுக்கு வர வேண்டும்!

ஆணுக்கு சமமாக முன்னுக்கு வர வேண்டும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக