ஒரு மனிதன் தன்னை வலிமையாக்கிக்கொள்ள வேண்டும்!(சீன நாட்டுப்புறப் பாடல்)

**Dr.S.Soundarapandian** · **Dr.S.Soundarapandian** Sun Oct 15, 2017 8:05 pm

ஒரு மனிதன் தன்னை
வலிமையாக்கிக்கொள்ள வேண்டும்!(சீன நாட்டுப்புறப் பாடல்)

வீறுகொண்டவனாகவும்-
ஆயிரக்கணக்கான தாக்குதல்களை எதிர் நோக்கும்போது !
உக்கிரமானவனாகவும்
தகிக்கும் சிவப்புச் சூரியன் போலவும்
உருக்கிவடித்த இரும்பைப்போலவும் –
எஃகைப்போன்ற பலமான எலும்பைப்போலவும்-
தைரியம் கொண்டு-
நான் மிக நன்றாக உழைத்தேன் !
வலிமைமிகு – வீரமிகு- ஆளாக வேண்டும் என்று !

ஒருவன் வெற்றிவீரனாக வேண்டும் என்றால்-
ஒவ்வொரு நாளும் அதற்குத் தன்னைத் தயார் செய்துகொள்ளவேண்டும் !
ஒவ்வொரு நாளும் தன்னை வலிமையானவனாக ஆக்கிக்கொள்ளவேண்டும் !
தீவிரத் தன்மை உள்ளவன்
எப்போதுமே சூரியனைவிடப் பிரகாசிப்பான் !

நான் சொர்க்கத்தைக் கிழித்தெறியவும்-
பூமியைப் பிளந்து தள்ளவும்-
தேவையான சக்தியை-
ஆகாயமும் கடலும் –
எனக்குத் திரட்டித் தரட்டும் !
அதைக்கொண்டு –
எனது நோக்கத்திற்காக நான் போராட!
அழகான நீல வானமும்-
பரந்த நீலக் கடலும் –
பார்த்திருக்கையிலேயே-
எனது உத்வேகம் எழட்டும் !

நான் ஆண்மகன்!
என்னை வலிமையாக்கிக்கொள்ள –
நான் பாடுபடவேண்டும்!

உறுதிகொண்டவர்களாகவும் –
நேரிய நடக்கை உள்ளவர்களாகவும்-
நாம் இருந்து –
சமுதாயத்தின் உறுதிமிகு தூணாக ஆக-
உறுதிபூண வேண்டும் !
சமுதாயத்தின் வெற்றி வீரனாக ஆகவும் வேண்டும் !

ஆயிர மடங்கு வெற்றிப் பிரகாசத்தை –
நமது-
ஆயிர மடங்கு சக்தியால் –
கொணர்வோம் !
நான் வெற்றிவீரனாக ஆவேன் !

வெற்றிவீரனாக இரு !
தைரியத்துடனும்-
தீவிரத் தன்மையுடனும்-
சூரியனைவிடப் பிரகாசி !

(Wong Jim சீன மொழியில் எழுதிய ’A Man Should Strengthen Himself’ என்ற சீன நாட்டுப்புறப் பாடலை , ஆங்கிலத்திலிருந்து தமிழில் மொழிபெயர்த்தவர் முனைவர் சு. சௌந்தரபாண்டியன் )

://tben.wordpress.com/

ஒரு மனிதன் தன்னை வலிமையாக்கிக்கொள்ள வேண்டும்!(சீன நாட்டுப்புறப் பாடல்)

ஒரு மனிதன் தன்னை வலிமையாக்கிக்கொள்ள வேண்டும்!(சீன நாட்டுப்புறப் பாடல்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக