பேரழகி ஆடுகிறாள் ! (ஹீப்ருமொழிப் பாடல்)

பேரழகி ஆடுகிறாள் ! (ஹீப்ருமொழிப் பாடல்)

எல்லாமே தலைகீழ்தான் !
கூடியுள்ளோரே ! இங்கே வாருங்கள்!
உங்கள் வேலையை விட்டுவிடுங்கள்!
எல்லா விதிகளையும் விட்டுவிடுங்கள்!

கூடியுள்ளோரே ! இங்கே வாருங்கள்!
உங்கள் பிள்ளைகளைக் கூட்டிச் செல்லுங்கள்!
கடவுளை வணக்கப் பாட்டு கிடையாது !
ஏனென்றால் –
இன்று முட்டாள்களின் விருந்து நாள்!
பள்ளிகளும் கிடையாது !


இந்த மாதிரிக் கொண்டாட்டம்-
இதுவரை நடந்தது இல்லை !
கிறுக்குத் தனமான சட்டங்கள்!
எல்லாமே விளங்காதவை!
ஒவ்வொருவரும் ராஜா!
ஒவ்வொருவரும் கோமாளி!
பாரிஸ் மொத்தமும் இன்று இங்கே உள்ளது …!

வருடத்திற்கு ஒருமுறை-
இங்கே அரக்கன் கட்டவிழ்த்துவிடப்படுவான் !
இங்கு எல்லாவற்றுக்கும் அனுமதி உண்டு !
துன்பம் ஒருவருக்கும் இல்லை !
நீங்கள் –
மதக் குருக்களைக் கேலி செய்யலாம் !
ஏனென்றால்-
இன்று முட்டாள்களின் விருந்து நாள்!


எல்லாமே தலைகீழ்தான் !
தடை செய்யப்பட்ட ஒயின் –
இங்கே தாராளமாகத் தரப்படும் !
எல்லாமே தலைகீழ்தான் !
ஒவ்வொரு கோமாளியும் –
இங்கே அரசன்தான் !


முள் கிரீடம்தான்-
இங்கே அரசர்களுக்கு!
இப்படித்தான் நடக்கிறது-
இந்த முட்டாள்களின் விருந்தில்!

இங்கே எல்லாமே தலைகீழ்தான் !
மத்தளத்தை அடியுங்கள்!
தாளத்தைத் தட்டுங்கள்!
எல்லாமே தலைகீழ்தான் !
நாம் –
ஒவ்வொரு திருடனுக்கும் கைகொடுப்போம் !
பல மூலைகளிலிருந்தும்-
திருடர்கள் வருகிறார்கள்! வருகிறார்கள் !
குற்றவாளிகள் வருகிறார்கள்!
இவர்கள் –
இரட்சிப்புப் படையுடன் வருகிறார்கள்!
இங்கே எல்லோரும் –
முட்டாள்கள் விருந்தில் கலந்துகொள்கிறார்கள் !

கூடியுள்ளோரே! இங்கே வாருங்கள்!
சீக்கிரம் வாருங்கள்! –
ஏனென்றால்-
காதலுக்கும்,
காதல் விளையாட்டுக்கும்,
இதுதான் தருணம் !


கூடியுள்ளோரே! இங்கே வாருங்கள்!
ஏனென்றால்-
பேரழகி ஒருத்தி இங்கே ஆடுவாள்!
அவள் பெயர் – எஸ்மெரல்டா!
நடனம் தொடங்கட்டும் !

பெண்டிரே! ஆடவரே!
இப்போது-
உங்களுக்கு இதோ-
பெருவிருந்து !

நீங்கள் எதிர்பார்த்த தருணம் வந்துவிட்டது !
இதோ இப்போது அதைப்பற்றித் தெரிந்துகொள்வீர்கள்!
உங்கள் உடல் புண்ணாகுமாறு சிரிக்கப் போகிறீர்கள்! –
நாங்கள் -
முட்டாள்களின் அரசருக்கு முடிசூட்டும்போது-
நீங்கள் உங்கள் கடைசி அரசர்
இவர்தான் என்றா நினைக்கிறீர்கள்?

அதனால்தான் ஒவ்வொருவரும் சோக முகத்துடன் இருக்கிறீர்களா?
உங்களுக்கும் வாய்ப்பு வரும் !
உங்களுக்கும் எதிர்காலம் உண்டு!
ஏனென்றால்-
முட்டாள்களின் அரசராக –
ஒரு மட்டமான ஆள்தான் வருவார்!

ஏன்?


இங்கு எல்லாமே தலைகீழ்தான் !
ஒவ்வொருவரும் இங்கே வரவேற்கப்படுகிறீர்கள்!
எல்லாமே தலைகீழ்தான் !
நீங்களும் முடிசூடிய மன்னனாகலாம் !


‘தலைகீழ் நிலைகள்’ என்பது-
உண்மையில் நல்லதுதான் !
ஏனெனில்-
அவை -
நீங்கள் அரசராவதற்கு உதவுகின்றன !

( ‘Everything is Topsy Turvy* Part 1’என்ற Hebrew மொழிப்பாடலை, ஆங்கிலத்தில் மொழிபெயர்த்தவர் – Thomas B ;
பழைய ஹீப்ரு மொழி கி.மு. 1200 முதல் கி.மு. 586 வரை இஸ்ரேலில் பேச்சு மொழியாக இருந்தது; ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)
Courtesy - lyricstranslate.com