உணர்ச்சிகளைச் சொல்லத் துணிவில்லை ! (கஸக்ஸ்தான் மொழிப் பாடல்)

உணர்ச்சிகளைச் சொல்லத் துணிவில்லை ! (கஸக்ஸ்தான் மொழிப் பாடல்)
யார் நீ?
ஒவ்வொரு நாளும்-
துயரமுள்ளதாகக் கழிகிறது !
எனது-
உணர்ச்சிகளைச் சொல்ல-
எனக்குத் துணிவில்லை!
நட்சத்திரங்களிடையே மின்னும் நீ- என் தலைவிதி-
யார்தான் நீ?


அருகில் வா- என் அழகே!
நீ –
எனது ஆன்மாவைத் தொட்டுவிட்டாய் !
சொர்க்கத்தின் ஒளிபோன்ற நீ-
யார்?
நீ-
எனக்கு மகிழ்ச்சியைத் தா!
உனது கையை இப்படிக்கொடுப்பாய்!
எனது பூவே!-
உன்னால்தான் –
இந்த உலகம் நல்ல இடமாக இருக்கிறது !
எனது பூவே!-
உன்னால்தான் –
இந்த உலகம் நல்ல இடமாக இருக்கிறது !


நிலவு –
அது வானில் எழும்போது-
மாலை தொடங்குகிறது !
ஆனால் –
உனைத்தான் நான் –
தெய்வீக அழகுடன் ஒப்பிட முடிகிறது !
உனது உருவம்-
என் மனதில் எப்போதும் இருக்கிறது !
நான் –
உனது கண்களைத் தேடுகிறேன்-
எப்போதும் ! எப்போதும் !

இரவு நேரத்தில்-
நீதான்-
எனது வானத்து விடிவெள்ளி!
நீதான்-
எனது அன்பிற்குரிய ஒளி!
நீதான்
எனது வாழ்வின் சாறு!
தயவுடன் நீ-
எனது வாழ்வை ஒளிரச் செய் –
எப்போதும் ! எப்போதும் !

இங்கே வா என் அழகே!
நீ எனது-
ஆன்மாவைத் தொட்டுவிட்டாய் !
சொர்க்கத்தின் –
ஒளிபோன்ற நீ-
யார்?
எனக்கு மகிழ்வைத் தா!
உனது கையை இப்படிக்கொடு !
எனது பூவே!-
உன்னால்தான்
இந்த உலகம் நல்ல இடமாக இருக்கிறது !
உன்னால்தான்
இந்த உலகம் நல்ல இடமாக இருக்கிறது !


( ‘Who are you?’என்ற Kazakh மொழிப்பாடலை ஆங்கிலத்தில் மொழிபெயர்த்தவர் - Starfiire என்ற பெண்மணி; இவரது தாய்மொழி ஆங்கிலம்; கசக்ஸ்தான் (Kazakhstan) நாட்டு மக்களின் மொழி கஸக் (Kazakh); ஆங்கிலத்திலிருந்து தமிழில் மொழிபெயர்த்தவர் முனைவர் சு.சௌந்தரபாண்டியன்)
Courtesy - lyricstranslate.com