வண்ணத்தின் இரகசியம்! (மெக்சிகோ நாட்டுப்புறப் பாடல்)

**Dr.S.Soundarapandian** · **Dr.S.Soundarapandian** Mon 2 Oct 2017 - 17:05

வண்ணத்தின் இரகசியம்! (மெக்சிகோ நாட்டுப்புறப் பாடல்)

வசந்த காலத்தில் –
வயல்களின் ஆடை –
அது வண்ணங்கள் நிறைந்தது !
வயல்களுக்கு வரும் ,
தொலைதூரப் பறவைகளோ-
வண்ண வண்ணப் பறவைகள்!

நாம் வானில் துலக்கிக் கண்டுபிடிக்கும் –
வானவில்லோ-
கண்கவரும் பலவண்ணம் கொண்டது !

இதுதான் என்னை –
வண்ணங்கள் கவரும் இரகசியம் !
இதுதான் வண்ணங்கள் மீது –
எனக்கு ஆர்வம் உண்டாவதன் இரகசியம்!
இதுதான்-
வண்ணங்களை நான் நேசிக்கும் இரகசியம் !

சேவல் கூவுகிறது-
கொக்கரக்கோ …கொக்கரக்கோ !
கோழி கூவுகிறது!-
கொக்குக்கூ! கொக்குக்கூ!
கோழிக்குஞ்சு –
சீப் ! சீப்! சீப்!
பியமிமி ! பியமிமி!
எத்தனை வகை ஓசைகள்?
வண்ணங்களின் அழகை இவை கூட்டுகின்றன!

இதுதான் –
எனக்கு வண்ணங்களின் மீது ஆசை ஏற்படக்-
காரணம் ! காரணம் !
(Mexican folk song translated in English by Abby F. Rivera; ஆங்கிலத்திலிருந்து தமிழில் மொழிபெயர்த்தவர் – முனைவர் சு. சௌந்தரபாண்டியன்)
Courtesy - libraries.ucsd.edu