மிஸ்டர் பெத்தேரி படுக்கை அறையில் ! (பின்லாந்து நாட்டுப்புறப் பாடல்)

**Dr.S.Soundarapandian** · **Dr.S.Soundarapandian** Sat Sep 23, 2017 3:03 pm

மிஸ்டர் பெத்தேரி படுக்கை அறையில் ! (பின்லாந்து நாட்டுப்புறப் பாடல்)

பெத்தேரி தலைவாரும்போது கேட்டான்:
அம்மா எனக்குச் சாவு எப்படி வரும்?

அம்மா-
“நீ நோயில் சாகமாட்டே! சண்டையில் சாகமாட்டே!
ஆனால் – தண்ணீரில் மட்டும் சாக்கிரதை !”

கேட்கவில்லை பெத்தேரி!
கடலுக்குச் சென்றான் கப்பலில்!
எந்தக் கப்பல்?
கார்க் மரத்தால் கப்பல்!
உள் அறை சுத்தத் தங்கத்தால்!
பாய்மரம் மீன் முள்ளால்!

கொடும் சூறாவளி அப்போது !
சக மாலுமிகள் சொல்லினர் – ‘சீட்டுக்குலுக்கிப் போடலாம்’!;
’யார் ரொம்பப் பாவம் பண்ணினவர் என்பது தெரிந்துவிடும்’

சீட்டு விழுந்தது – பெத்தேரி பேர் வந்தது !
‘நல்ல தீர்ப்பு!’ – சொன்னான் பெத்தேரி!

பெத்தேரி ஒத்துக்கொண்டான் -
‘நான் ஆலயங்களைக் கொள்ளையடித்துள்ளேன் ! பாதிரியார்களைக் கொன்றுள்ளேன்!பண்ணையாட்களை வெட்டியுள்ளேன் !’

பெத்தேரி சொன்னான் –
என் உடலைக் கரையில் போடுவோர் –
என் அம்மாவுக்குச் சொல்வீர் –
‘உன் மகன் தண்ணீரில் மூழ்கிச் செத்தான் ; ஆனால் நீங்கள் அழுகக் கூடாது என்று சொல்லச் சொன்னான் !’

சொல்லிவிட்டுக் கழற்றினான் கோட்டை-
கோட்டில் தொங்கிய சிலுவையுடனே!
துடும் எனக் குதித்தான் கடலில்!

(பின்லாந்து நாட்டுப்புறப்பாடல்; ஆங்கிலத்திலிருந்து தமிழில் மொழிபெயர்த்தவர் – முனைவர் சு.சௌந்தரபாண்டியன்)
Courtesy- www.kantelemusic.com