iசென்னையில் மழை -விளையாட்டில் வெற்றி மழை.-கிரிக்கெட் /பேட்மிண்டன்

**T.N.Balasubramanian** · **T.N.Balasubramanian** Sun Sep 17, 2017 11:34 pm

சென்னையில் மழை -விளையாட்டில் வெற்றி மழை.-கிரிக்கெட் /பேட்மிண்டன்

சென்னை: ஆஸ்திரேலியாவுக்கு எதிரான முதல் ஒரு நாள் போட்டியில் இந்திய அணி அபார வெற்றி பெற்றது. கொரிய பாட்மின்டன் தொடரின் பெண்கள் ஒற்றையரில் இந்தியாவின் சிந்து சாம்பியன் பட்டம் வென்றார்.
இந்தியா வந்துள்ள ஆஸ்திரேலிய அணி 5 ஒரு நாள் மற்றும் 4 ‛டுவென்டி-20' போட்டிகள் கொண்ட தொடரில் பங்கேற்கிறது. முதல் ஒரு நாள் போட்டியில் டாஸ் வென்ற இந்திய அணி கேப்டன் கோஹ்லி முதலில் பேட்டிங்கை தேர்வு செய்தார்.
ஆட்டம் துவக்கத்தில் அதிர்ச்சியாக இருந்தது. 6 ஓவருக்குள் 3 விக்கெட் பறிபோனது. முதலில் களம் இறங்கிய ரகானே 5 ரன்களில் வெளியேறினார். கேப்டன் விராட் கோஹ்லி, மணீஷ் பாண்டே டக் அவுட்டாயினர்.பின்னர் களமிறங்கிய ஜாதவ் 40 ரன், தோனி 79 , பாண்ட்யா 83 ரன்கள் எடுத்து அவுட்டாயினர். புவனேஸ்குமார் 32 ரன்களுடன் களத்தில் இருந்தார். இறுதியில் இந்திய அணி 50 ஓவரில் 7 விக்கெட் இழப்பிற்கு 281 ரன்கள் எடுத்தது.

மழையால் ஆட்டம் பாதிப்பு

அடுத்து ஆஸ்திரேலிய அணி, இன்னிங்ஸை தொடங்கும் முன் மழையால் ஆட்டம் இருமுறை பாதிக்கப்பட்டது. இறுதியில் டக்வொர்த் லீவிஸ் விதிப்படி, 21 ஓவரில் 164 ரன்கள் என ஆஸ்திரேலிய அணிக்கு வெற்றி இலக்கு நிர்ணயிக்கப்பட்டது. ஆஸ்திரேலிய அணி வெற்றிக்காக பெரிதும் போராடினாலும் ஒரு புறம் விக்கெட் சரிந்து கொண்டே வந்தது. இறுதியாக ஆஸ்திரேலிய அணி 21 ஓவர் முடிவில் 9 விக்கெட் இழப்பிற்கு 137 ரன்கள் மட்டுமே எடுத்தது.இதையடுத்து இந்திய அணி, 26 ரன்கள் வித்தியாசத்தில் முதல் ஒரு நாள் போட்டியை வென்றது.

பாட்மின்டன்

தென்கொரிய தலைநகர் சியோலில் கொரிய ஓபன் சூப்பர் சீரிஸ் பாட்மின்டன் தொடரில் பெண்கள் ஒற்றையர் பிரிவு பைனில் நம்பர் 4' வீராங்கனையான இந்தியாவின் சிந்து தரவரிசையில் 9வது இடத்திலுள்ள உலக சாம்பியனான ஜப்பானின் நயோமியை 22-20,11-21,21-18 என்ற செட் கணக்கில் வெற்றி பெற்றார். இதன் மூலம் கொரிய ஓபன் பாட்மின்டன் தொடரில் கோப்பை வென்ற முதல் இந்திய நட்சத்திரம் என்ற பெருமை பெற்றார் சிந்து.

இந்தியாவுக்கு பெருமை

இன்று செப்-17) நடந்த இந்தியா-ஆஸ்திரேலியா அணிகளுக்கிடையே நடந்த முதல் ஒருநாள் கிரிக்கெட் போட்டியில் இந்தியாவுக்கு வெற்றி கிடைத்தது. முன்னதாக,தென்கொரிய தலைநகர் சியோலில் கொரிய ஓபன் சூப்பர் சீரிஸ் பாட்மின்டன் தொடரில் பெண்கள் ஒற்றையர் பிரிவில் இந்தியாவின் சிந்து வெற்றி பெற்றார். இந்த இரண்டு வெற்றியும் ஒரே நாளில் இன்று கிடைத்தது இந்தியாவுக்கு உன்னதமான நாள் என்பது குறிப்பிடத்தக்கது.

நன்றி தினமலர்

ரமணியன்

**ayyasamy ram** · **ayyasamy ram** Mon Sep 18, 2017 6:28 am

டோனிக்கு உற்சாக வரவேற்பு
-
டோனி, சென்னை சூப்பர் கிங்ஸ் அணியின் கேப்டன்
பொறுப்பில் இருப்பதால் அவருக்கும் தமிழக ரசிகர்களுக்குமான
பாசப் பிணைப்பு அதிகம் தான் எனலாம்.

நேற்றைய ஆட்டத்தில் ரோகித் சர்மா ஆட்டம் இழந்ததும்,
அவர் விக்கெட் பறிபோனது பற்றி கவலைப்படாத ரசிகர்கள்
எழுந்து நின்று டோனி, டோனி என்றும் தல, தல என்று குரல்
எழுப்பியதுடன் மைதானம் அதிரும் வகையில் கைதட்டி
டோனியை வரவேற்றனர்.

டோனி பவுண்டரி, சிக்சர் அடித்த சமயங்களில் மைதானத்தில்
ரசிகர்கள் எழுப்பிய கரவொலியும், ஆர்ப்பரிப்பும் அடங்க வெகு
நேரம் பிடித்தது.

இந்த ஆட்டத்தை சுமார் 26 ஆயிரம் ரசிகர்கள் நேரில் கண்டு
களித்தனர். தேசிய கொடியை அசைத்தும், சிறிய வாத்தியங்களை
இசைத்தும் இந்திய அணியினரை குதூகலப்படுத்தினர்.

டோனி அடித்த பந்தை பீல்டிங் செய்த ஆடம் ஜம்பா, பந்தை டோனியை
நோக்கி எறிவது போல் மிரட்டினார். அப்போது ஆடம் ஜம்பாவுக்கு
எதிராக ரசிகர்கள் எழும்பிய சத்தம் அவருக்கு அச்சத்தை கொடுத்து
இருக்கலாம்.
=

தினத்தந்தி

இந்த பதிவைத் துவங்கியவர் நன்றி கூறியுள்ளார் ayyasamy ram

iசென்னையில் மழை -விளையாட்டில் வெற்றி மழை.-கிரிக்கெட் /பேட்மிண்டன்

iசென்னையில் மழை -விளையாட்டில் வெற்றி மழை.-கிரிக்கெட் /பேட்மிண்டன்

Re: iசென்னையில் மழை -விளையாட்டில் வெற்றி மழை.-கிரிக்கெட் /பேட்மிண்டன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக