தலையை துண்டித்து இளம்பெண் படுகொலை; காட்டில் பிணம் வீச்சு

**சிவா** · **சிவா** Fri Mar 13, 2009 3:50 am

சிவகங்கை தாலுகா போலீஸ் சரகம் பில்லூர் கோவானூர் செல்லும் வழியில் அடர்ந்த காட்டுப்பகுதி உள்ளது. இன்று காலை அந்த காட்டுக்குள் 24 வயது மதிக்கத்தக்க இளம் பெண் பிணமாக கிடந்தார். அவரது தலை துண்டிக்கப்பட்டு நிர்வாண நிலையில் அலங்கோலமாக காணப்பட்டது.

இதனை அவ்வழியாக சென்றவர்கள் பார்த்து அதிர்ச்சி அடைந்தனர். இதுகுறித்து போலீசுக்கு தகவல் கூறினர். தகவல் அறிந்ததும் போலீஸ் சூப்பிரண்டு ராஜசேகரன், துணை போலீஸ் சூப்பிரண்டு சாம்சன், தாலுகா போலீஸ் இன்ஸ்பெக்டர் கணேசன் ஆகியோர் விரைந்தனர்.

உடலை கைப்பற்றி அரசு ஆஸ்பத்திரிக்கு அனுப்பி வைத்தனர். கொலையாளிகள் பற்றி போலீசார் விசாரணை மேற்கொண்டனர். விசாரணையில், கொலை நடந்த இடத்தில் வாகனங்கள் வந்த தடங்கள் பதிந்து உள்ளது. எனவே காரில் வெளியூரை சேர்ந்த நபர்கள் கடத்தி வந்து அந்த பெண்ணை கொலை செய்து இருக்கலாம் என போலீசார் சந்தேக்கின்றனர்.

எனவே கொலையுண்ட பெண் யார்? எந்த ஊரைச் சேர்ந்தவர் எதற்காக கொலை செய்தனர்? மாயமான தலை எங்கே? என்பது குறித்து போலீசார் விசாரணை நடத்தி வருகின்றனர்.

அவர் கல்லூரி மாணவியாக இருக்காலாம் என்றும் யாரோ கற்பழித்து கொலை செய்து தலையை துண்டித்து வீசிவிட்டு உடலை மட்டும் சாக்குமூட்டையில் கட்டிபோட்டு விட்டு சென்று இருக்கலாம் என்று தெரிகிறது.

**சிவா** · **சிவா** Fri Mar 13, 2009 3:54 am

சிவகங்கையில் தலையை துண்டித்து கொல்லப்பட்டது மாணவியா?- தனிப்படை அமைத்து விசாரணை

சாக்குமூட்டைக்குள் பிணமாக கிடந்த பெண்ணுக்கு சுமார் 20 வயது முதல் 25 வயதுக்குள் இருக்கும். தோற்றத்தை வைத்து பார்க்கும்போது கல்லூரி மாணவிபோல் தெரிகிறது. காதல் விவகாரத்தில் சிக்கி நயவஞ்சகமாக கடத்தி செல்லப்பட்டு பின்னர் கற்பழிக்கப்பட்டு அதுதெரியாமல் இருப்பதற்காக கொலை செய்யப்பட்டு இருக்கலாமோ என்று சந்தேகிக்கிறோம். பிரேத பரிசோதனைக்கு பிறகுதான் அந்த பெண் கற்பழிக்கப் பட்டாரா? என்பது தெரிய வரும்.

வேறு எங்கோ கொலை செய்து பிணத்தை இங்கு கொண்டு வந்து போட்டு விட்டு சென்று இருக்கலாம் என்று தெரிகிறது. இதுபற்றி ராமநாதபுரம், மதுரை, திண்டுக்கல், விருதுநகர் போன்ற பக்கத்து மாவட்ட போலீசாருக்கு தகவல் தெரிவிக்கப்பட்டு அந்த மாவட்டங்களில் 22 வயதுக்குள் இளம்பெண் மாயமானதாக ஏதும் புகார் வந்துள்ளதா? என்று தகவல் கேட்டு உள்ளோம்.

இது சம்பந்தமாக விசாரிக்க தனிப்படை ஒன்றும் அமைக்கப்பட்டுள்ளது. விரைவில் குற்றவாளிகள் பிடிபடுவார்கள்.

இவ்வாறு அவர் கூறினார்.

தலையை துண்டித்து இளம்பெண் படுகொலை; காட்டில் பிணம் வீச்சு

தலையை துண்டித்து இளம்பெண் படுகொலை; காட்டில் பிணம் வீச்சு

Re: தலையை துண்டித்து இளம்பெண் படுகொலை; காட்டில் பிணம் வீச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக