எம்.எல்.ஏ.,க்கள் சம்பள உயர்வு என்னாச்சு?

**ayyasamy ram** · **ayyasamy ram** Tue Sep 05, 2017 7:11 pm

-
'எம்.எல்.ஏ.,க்களின் சம்பளம், ஜூலை முதல், 1.05 லட்சம்
ரூபாயாக உயர்த்தி வழங்கப்படும்' என, முதல்வர் பழனிசாமி,
சட்டசபையில் அறிவித்து, இரண்டு மாதங்களாகியும், இன்னும்
நடைமுறைக்கு வரவில்லை.

தமிழக எம்.எல்.ஏ.,க்களுக்கு, தற்போது, மாத சம்பளமாக,
55 ஆயிரம் ரூபாய் வழங்கப்படுகிறது. இது, 1.05 லட்சம்
ரூபாயாக, உயர்த்தப்படும்; முன்னாள் எம்.எல்.ஏ., ஓய்வூதியம்,
12 ஆயிரம் ரூபாயில் இருந்து, 20 ஆயிரம் ரூபாயாகவும்,
குடும்ப ஓய்வூதியம், 10 ஆயிரம் ரூபாயாகவும் அதிகரிக்கப்படும்
என, அறிவிக்கப்பட்டது.

மேலும், முன்னாள் எம்.எல்.ஏ.,க்களின் மருத்துவ உதவித் தொகை,
ஆண்டுக்கு, 12 ஆயிரம் ரூபாயில் இருந்து, 25 ஆயிரம் ரூபாயாக
உயர்த்தப்படும்.எம்.எல்.ஏ.,க்களின் தொகுதி மேம்பாட்டு நிதி,
இரண்டு கோடி ரூபாயில் இருந்து, 2.50 கோடி ரூபாயாக
உயர்த்தப்படும் என்றும், ஜூலை முதல், இது அமல்படுத்தப்படும்
என்றும் தெரிவிக்கப்பட்டது.

ஜூலை, 19ல், வெளியான இந்த அறிவிப்புகளால், எம்.எல்.ஏ.,க்கள்
மகிழ்ச்சி அடைந்தனர்; மேஜையை தட்டி வரவேற்றனர்.ஆகஸ்ட்டில்,
புதிய சம்பளம் கிடைக்கும் என, எதிர்பார்த்தனர்; ஆனால், பழைய
சம்பளமே வந்தது. இந்த மாதமும். அதே நிலை தான். அதனால்,
எம்.எல்.ஏ.,க்கள் ஏமாற்றமடைந்துள்ளனர். அதேபோல், முன்னாள்
எம்.எல்.ஏ.,க்களுக்கும், புதிய ஓய்வூதியம் வராததால், அவர்களும்
ஏமாற்றத்திற்கு ஆளாகியுள்ளனர்.

இது குறித்து, எம்.எல்.ஏ.,க்கள் சிலர் கூறுகையில், 'புதிய சம்பளம்
குறித்து, சட்டசபை செயலக அதிகாரிகளிடம் கேட்ட போது,
அவர்கள், அதற்கான அரசாணை வரவில்லை என்கின்றனர்.

'அதேபோல, தொகுதி மேம்பாட்டு நிதி, 2.50 கோடி ரூபாயாக
உயர்த்தப்பட்ட அறிவிப்பும், நடைமுறைக்கு வரவில்லை' என்றனர்.

- நமது நிருபர் -
தினமலர்

எம்.எல்.ஏ.,க்கள் சம்பள உயர்வு என்னாச்சு?

எம்.எல்.ஏ.,க்கள் சம்பள உயர்வு என்னாச்சு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக