\அரசுக்கு பெரும்பான்மை உள்ளதா? ஐகோர்ட்டில் விவாதம்

சென்னை:
தமிழக அரசுக்கு பெரும்பான்மை உள்ளதாக சென்னை
ஐகோர்ட்டில் முதல்வர் தரப்பில் வாதிடப்பட்டது.

தமிழக அரசின் பெரும்பான்மையை சட்டசபையில் நிரூபிக்க
முதல்வருக்கு உத்தரவிட வேண்டும் என வழக்கறிஞர்
புகழேந்தி என்பவர் சென்னை ஐகோர்ட்டில் பொது நல வழக்கு
தொடர்ந்தார்.

முதுகில் சவாரி:
-
இந்த வழக்கு விசாரணைக்கு வந்த போது, முதல்வர் சார்பில்,
அரசு தரப்பில் ஆஜரான வழக்கறிஞர் வாதாடுகையில்,
தமிழக அரசுக்கு பெரும்பான்மை உள்ளது. கட்சி பிளவுபட்டு
3ல் 2 பங்கு எதிர்ப்பு தெரிவித்தால் மட்டுமே
பெரும்பான்மையை நிரூபிக்க உத்தரவிட முடியும்.

அரசுக்கு எதிராக எதிர்க்கட்சிகள் பிறர் தோளில் ஏறி சவாரி
செய்ய பார்க்கின்றன. அரசு மீது நம்பிக்கையில்லாவிட்டால்
எதிர்க்கட்சிகள் நேரடியாக கோர்ட்டை அணுகலாம்.

அரசுக்கு எந்த அளவிற்கு எதிர்ப்பு உள்ளது என்பது பற்றி
ஆதாரங்களுடன் வழக்கு தொடரவில்லை. இவ்வாறு அவர்
கூறினார்.

மக்கள் நலன்கருதி:
-
வழக்கை தொடர்ந்த மனுதாரர் புகழேந்தி வாதாடுகையில்,
கவர்னர் செயல்படாத நிலையில், கோர்ட்டும் கண்டு
கொள்ளாமல் இருக்கக்கூடாது. மக்கள் நலன் கருதி, அரசின்
பெரும்பான்மை நிருபிக்க வேண்டும். இவ்வாறு அவர்
கூறினார்.
தொடர்ந்து இந்த வழக்கு பிற்பகல் ஒத்திவைக்கப்பட்டது.

தொடர்ந்து, இந்த வழக்கு பிற்பகல் விசாரணைக்கு வந்த
போது, எதிர்க்கட்சி தலைவர் மனு அளித்தது தொடர்பாக
பொது நல வழக்கு தொடர மூன்றாவது நபருக்கு
அனுமதியில்லை. எதிர்க்கட்சி தலைவரே கோர்ட்டை
அணுகலாம்.

மூன்றாவது நபர் பொது நல வழக்கு தொடர்வதை
அனுமதிக்கக்கூடாது என வாதிடப்பட்டது.

தொடர்ந்து, இந்த வழக்கு விசாரணைக்கு உகந்ததா என்பது
குறித்து முடிவெடுப்பதாக கூறி, வழக்கின் விசாரணையை
அக்.,3ம் தேதிக்கு ஐகோர்ட் ஒத்திவைத்தது
-
------------------------------------
தினமலர்