காற்றில் கரைந்த கனவு

காற்றில் கரைந்த கனவு

ஏழை எம்பதியே
எமன் கூட போனவளே
மூச்சு முட்ட மூட்டைத்தூக்கி
முக்காத்துட்டு சேத்த தகப்பன்
முன்னே மூச்சுக்காத்த தொலைச்சவளே

நெஞ்சு பதறுதே
கண்முழி ரெண்டும்
நெலகுத்தி நிக்குதே
நீ மாண்டு போனனு சொன்ன சொல்ல
மனசு கேக்க மறுக்குதே
எந்திருச்சி வந்திரு தாயி
எம் மகளே ராசாத்தி
என் மூச்சிக்காத்தில் பொறந்த மக
மூச்சத் தொலைச்சிப் போனேயே

பொம்ளையா பொறந்திருந்தா
பொரண்டு அழுதிருப்பேன்
ஒப்பாாி சொல்லி அழுது
ஓச்சும் போயிருப்பேன்
ஆம்பளயா பொறந்திட்டேனே மகளே
ஆருட்ட நான் சொல்லி அழுவேன் உனைய

காண்டா வௌக்கு கூட
காலம் கடந்தும் முளிச்சிருப்ப
புத்தகத்துக்கூடயே பெரண்டு படுத்திருப்ப
அடைஞ்சாலும் விடிஞ்சாலும்
படிப்பே உன் பொழப்பு
மூட்ட கூட எம்பொழப்பு

மருத்துவ படிப்புக்கு நுழைவுத் தேர்வு விலக்குனு
கையெழுத்து போட்டு முதல்வரம்மா
காலமாகிப்போனாக
அரசியல் சூழ்ச்சியில
பள்ளி மாணவர்கள் பகடக்காய் ஆனாக

உச்சநீதிமன்ற தீர்ப்பாம்
ஏழைக உசுர காவு கேட்கும்
கார்பரேட் முதலாளிக சொல்லிக்கொடுத்த
கட்டுநோட்டு தீர்ப்பாம்
காவிாி வாாியத்த கண்டுகொள்ள
திராணியத்த கட்சிகளெல்லாம்
கட்டுநோட்டுல கட்டுப்பட்ட தீர்ப்பாம்

எம் மகளே என் உசுருல தாிச்சவளே
உலகம் அறியாதவளே
ஒசந்த உசுர மாய்ச்சவளே
காகித கனவுல கங்க அள்ளி போட்டவளே
காலன் கூட கண்மூடி போனவளே

காமராசர பாத்த சொல்லு
கல்வி கண்மூடி போன சேதிய
அப்துல்கலாமய்யாவ பாத்தா சொல்லு
கல்வி அரசியல் சூழ்ச்சிய
அப்தேக்கார பாத்தா சொல்லு
மண்மூடி போன உன் மருத்துவ ஆசைய
மருத்துவ முத்தம் பேசும்
திசை திருப்பும் டிவி பொட்டி
நீட்டுத் தேர்வுக்கு நம்ம கைய நீளமா பாத்துக்கிச்சு
போனாயே மகளே நீ போராளியாக
உன் காகிதக் கனவும் கரைஞ்சு போக
எந்தவித மாத்தமும் இங்கு ஏற்படப்போவதில்லை
நீ போக மகள நீ இந்த பொசகெட்ட பூமி விட்டு.........

கிராமிய மணம் கலந்த கவிதை --மனம் கவர்ந்தது.

ரமணியன்

மிக்க நன்றி ஐயா