பெண்களிடம் உள்ள உள் குட்டு ! (சிற்றாராய்ச்சி)

**Dr.S.Soundarapandian** · **Dr.S.Soundarapandian** Sun Aug 20, 2017 3:43 pm

பெண்களிடம் உள்ள உள் குட்டு ! (சிற்றாராய்ச்சி)

சில வீடுகளில் பெண்கள், “வேண்டாம்! வேண்டாம் ! ஓட்டலில் எல்லாம் சாப்பாடு எடுக்கவேண்டாம் ! இதோ ஒரு நொடியில் நான் சமைத்துவிடுகிறேன் !” என்பார்கள் ; பிறகு அதை எடுங்கள் , இதை எடுங்கள் கணவரின் உயிரை எடுப்பார்கள்!

இதற்கு ஓர் அடிப்படை இருக்கிறது !

அஃதாவது குடும்பத்தைச் சிதறவிடாமல் தன் கட்டுப்பாட்டுக்குள்ளேயே வைத்திருக்க அவள் விரும்புகிறாள்!

’நீ ஒன்றும் இங்கு பெரிதில்லை’ என்பதுபோன்ற கருத்து மற்றவர் மனங்களில் வரக்கூடாது ! தன்னைச் சுற்றியே எல்லாம் நடக்கவேண்டும் !

இதற்கு மானிடவியல் (Anthropology) அடிப்படையும் உண்டு !

ஆதிநாளில் குடும்ப உறுப்பினர்களைச் சேகரமாக வைத்து விலங்குகளிடமிருந்து காப்பாற்றவேண்டிய பொறுப்பு ஆணைவிடப் பெண்ணுக்கே அதிகம் இருந்தது ! பெற்றவளுக்கல்லவா தெரியும் பிள்ளைகளின் அருமை?

இந்த மானிடவியல் உண்மையைப் பொருத்திப்பாருங்கள் இன்றைய நமது வீட்டுப் பெண்களின் சில நடவடிக்கைகள் உங்களுக்குப் புரியும் !

**M.Jagadeesan** · **M.Jagadeesan** Sun Aug 20, 2017 5:12 pm

வெளியில் ஹோட்டலில் சாப்பிட்டால் செலவு அதிகமாகும் . தற்போது GST வேறு 12 % போடுவதால் உணவுப் பண்டங்களின் விலை தாறுமாறாக ஏறிவிட்டது . இதையெல்லாம் பெண்கள் நன்கு அறிவார்கள் . ஒரு சாப்பாடு 110 ரூபாய் சொல்கிறார்கள் . வீட்டில் சமைத்தால் 100 ரூபாய் செலவில் குடும்பமே உட்கார்ந்து சாப்பிடலாம் .

ஒரு குடும்பத்தின் பொருளாதாரம் மேம்படுவது பெண்களின் கைகளில்தான் உள்ளது. கணவனின் வருவாய்க்குத் தக்கவாறு குடும்பம் நடத்துவது பெண்களின் தனிச்சிறப்பாகும் .

மனைத்தக்க மாண்புடைய ளாகித்தற் கொண்டான்
வளத்தக்காள் வாழ்க்கைத் துணை .

என்பது ஐயனின் வாக்கு .