வேதா இல்லம் எங்கள் குடும்ப சொத்து. -தீபா

சென்னை:
ஜெயலலிதா மரணம் குறித்து விசாரணை கமிஷன் அமைக்கப்படவுள்ளது
குறித்து தி.மு.க. செயல் தலைவர் ஸ்டாலின் மற்றும் ஜெயலலிதாவின்
அண்ணன் மகள் தீபா ஆகியோர் கருத்து தெரிவித்துள்ளனர்.

தி.மு.க., செயல் தலைவர் ஸ்டாலின் கூறியிருப்பதாவது:
ஜெயலலிதா மரணம் குறித்து விசாரணை நடத்த உத்தரவிட்டிருப்பது
கண்துடைப்பு நாடகம். முதல்வர் அமைச்சர்கள் பதவி விலகினால்
தான் உண்மைகள் வெளிவரும்.

சி.பி.ஐ., விசாரணை நடத்தப்பட வேண்டும். தடயங்கள் அழிக்கப்பட
வேண்டும் என்பதற்காகவே ஓ.பி.எஸ்.மற்றும் ஈ.பி.எஸ் காலம் தாழ்த்தினர்.

விசாரணை குறித்து சட்ட பேரவையில் கோரிக்கை வைத்த போது
அமைச்சர்களும் முதல்வரும் அமைதி காத்தனர்.'' என கூறினார்.

அரசியல் ஆதாயத்திற்கு மட்டும்: தீபா

ஜெ., அண்ணன் மகள் தீபா கூறியதாவது:

விசாரணை கமிஷன் கபட நாடகம். போயஸ் இல்லத்தை அரசு இல்லமாக
மாற்ற உரிமையில்லை. சரியான விசாரணை நடக்க வாய்ப்பில்லை.
அதனை எங்களால் விட்டு தர முடியாது. வேதா இல்லம் எங்கள் குடும்ப
சொத்து. இந்த விவகாரம் குறித்து சட்டத்தின் மூலமாக நடவடிக்கை
எடுப்பேன். வழக்கு தொடர்வேன்.

அரசியல் ஆதாயத்திற்காகவே இவ்வாறாக அரசு செயல்பட்டு வருகிறது .
சட்டப்பூர்வ வாரிசுகள் இல்லாமல் இதனை அறிவிக்க அரசுக்கு உரிமை
இல்லை. நான் இல்லாமல் விசாரணை முழுமையடையாது.

சசிகலாவின் தூண்டுதலின் பேரில் தான் இந்த விசாரணை கமிஷன்
அமைக்கப்பட்டுள்ளது. தமிழகத்தில் ஆட்சியை கலைத்து விட்டு
விரைவில் தேர்தல் நடத்த வேண்டும். இவ்வாறு அவர் கூறினார்.
-
---------------------------------
தினமலர்