யானைகள் போற்றுதும் !

யானைகள் போற்றுதும் !
இன்று உலக யானைகள் தினமாம் !
தனது வலிமையறியாது மனிதனுக்கு அடங்கி நடக்கும் சாத்வீக உணவின் வலிமைக்கு சான்று யானைகள் .
தமிழர் வாழ்வில் பின்னிப்பிணைந்து உள்ள செல்லப்பிராணி .சங்க இலக்கியத்தில் தான் யானைகளைப்பற்றி எத்தனை சான்றுகள்
யானைகள் அதிகம் வாழ்ந்த மலை யானை மலை என்று அழைத்து மகிழ்ந்தனர்
ஆசிய யானைகளில் மூன்று துணை வகைகள் உள்ளன:

E. m. indicus இந்தியாவில் வாழும் உள்ளினம்

E. m. maximus --இலங்கையில் வாழும் உள்ளினம்

E. m. sumatranus = சுமத்ராவில் வாழும் உள்ளினம்

உலகில் 13 நாடுகளில் ஆசிய யானை வாழ்கிறது. இந்தியாவில் 16 மாநிலங்களில் வாழ்கிறது.

உலகில் உள்ள ஆசிய யானைகளின் எண்ணிக்கை:

35,000 --40,000

இதில் பெருமளவு இந்தியாவில்தான் உள்ளது: 25,000 முதல் 30,000

இந்தியாவில் பெரும்பான்மையான யானைகள் தென்னிந்தியாவில் உள்ளன: 15,000 -20,000

இந்த யானைகளில் பெரும்பகுதி (சுமார் 9,000) குறிப்பிட்ட ஒரு பகுதிக்குள் வாழ்கிறது. பிரம்மகிரி, நீலகிரி, கிழக்கு மலைத்தொடர் ஆகிய மூன்றும் சந்திக்கும் இடமே அந்தப் பகுதி.

உலகிலேயே ஆசிய யானைகள் அதிகமாக வாழும் பகுதி இது என்பது குறிப்பிடத்தக்கது.

யானைகள் குறிப்பிட்ட காட்டு எல்லைக்குள்ளோ, மாநில எல்லைக்குள்ளோ வாழ்வதில்லை. தொடர்ந்து பயணித்துக்கொண்டே இருக்கக்கூடியவை.

யானைக்கென்ன கட்டுப்பாடு !அவைகளுக்கு மாநில எல்லைகள் எப்படிப் புரியும் .

ஒவ்வோர் ஆண்டும் தமிழகத்தில் இறந்துபோகும் காட்டு யானைகளின் எண்ணிக்கை (சராசரி): 75

யானைகளில் இத்தனை தமிழ் பெயர் இருப்பதே , தமிழர்க்கும் யானைக்கும் உள்ள தொடர்பை தெரிவிக்கும் .


யானை/ஏனை (கரியது)
வேழம் (வெள்ளை யானை)
களிறு
களபம்
மாதங்கம்
கைம்மா (துதிக்கையுடைய விலங்கு)
உம்பர்
உம்பல் (உயர்ந்தது)
அஞ்சனாவதி
அரசுவா
அல்லியன்
அறுபடை
ஆம்பல்
ஆனை
இபம்
இரதி
குஞ்சரம்
இருள்
தும்பு
வல்விலங்கு
தூங்கல்
தோல்
கறையடி (உரல் போன்ற பாதத்தை உடையது)
எறும்பி
பெருமா (பெரிய விலங்கு)
வாரணம் (சங்கு போன்ற தலையை உடையது அல்லது புல்லை வாரிப்போடுவது)
புழைக்கை/பூட்கை (துளையுள்ள கையை உடையது)
ஒருத்தல்
ஓங்கல் (மலைபோன்றது)
நாக
பொங்கடி (பெரிய பாதத்தை உடையது)
கும்பி
தும்பி (துளையுள்ள கையை உடையது)
நால்வாய் (தொங்குகின்ற வாயை உடையது)
குஞ்சரம் (திரண்டது)
கரேணு
உவா
கரி (கரியது)
கள்வன் (கரியது)
கயம்
சிந்துரம்
வயமா
புகர்முகம் (முகத்தில் புள்ளியுள்ளது)
தந்தி
மதாவளம்
தந்தாவளம்
கைம்மலை (கையை உடைய மலை போன்றது)
வழுவை (உருண்டு திரண்டது)
மந்தமா
மருண்மா
மதகயம்
போதகம்
யூதநாதன் (யானைக்கூட்டத்துத் தலையானையின் பெயர்)
மதோற்கடம் (மதகயத்தின் பெயர்)
கடகம் (யானைத்திரளின்/கூட்டத்தின் பெயர்)
பெண் யானையின் பெயர்கள்
பிடி
அதவை
வடவை
கரிணி
அத்தினி
யானைக்கன்றின் பெயர்கள் (இளமைப் பெயர்கள்)
கயந்தலை
போதகம்
துடியடி
களபம்
கயமுனி
யானைகள் போற்றுதும் ! யானைகள் போற்றுதும் !
அண்ணாமலை சுகுமாரன்
12/8/17
ஆதாரம் இணைய செய்திகள் ,தமிழ் இந்து
12/8/17

-


''மாடு கட்டி போரடித்தால் மாளாது செந்நெல் என்று''                                                                    
 ''யானை கட்டி போரடிக்கும் மாமதுரை'' -

என்ற தமிழ் பாடலாலும் யானைகள் .
தமிழர் வாழ்வில் பின்னிப்பிணைந்து உள்ள செல்லப்பிராணி
என்பது விளங்கும்

உலக யானைகள் தினம் நேபாலில் சிறபபாக
கொண்டாடப் படுகிறது
-