நகைச்சுவை – ஒரு சிற்றாய்வு !

நகைச்சுவை – ஒரு சிற்றாய்வு !

ஒருவர் ஒரு நகைசுவைச் செய்தியைக் கூறினால் , நாம் சிரிக்கிறோம் !
ஆனால் இப்படித்தான் எல்லோரும் சிரிக்கிறார்கள் என எண்ணுகிறீர்களா?

இல்லை !

ஒரு செய்தியில் ஒளிந்துகொண்டிருக்கும் நகைச்சுவையை எல்லோரும் கண்டறிவதில்லை!

எனக்குத் தெரிந்த ஓர் அதிகாரி !
அவர் கோப்புகள்பற்றிச் சொல்லிக்கொண்டிருக்கும்போது , சில நேரங்களில் மற்ற அலுவலர்களுக்குச் சிரிப்பு வரும் ! ஆனால் யாராவது சிரித்துவிட்டால், கூடச் சேர்ந்து சிரிக்க அவருக்குத் தெரியாது! மாறாகக் கோபப்படுவார் ! ‘என்ன சிரிக்கிறீர்கள்?’ – என்று முறைப்பார் ! இவர் சிரிப்பைக் கண்டுபிடிக்கத் தெரியாத வகையைச் சேர்ந்தவர் என நீங்கள் கருதிக்கொள்ளவேண்டும் !

ஒருவர் அப்படித்தான் அரை மணி நேரம் தொலைபேசியில் இன்னொருவருடன் பேசிக்கொண்டிருந்தார் ! பேசி முடிந்ததும் , ‘கடைசி வரை பேசுறது யார்ன்னே கண்டுபிடிக்க முடியலையே?’என்று சொல்லிக்கொண்டே தொலைபேசியைக் கீழே வைத்தார் ! அருகில் இருந்த என்னால் சிரிப்பை அடக்கமுடியவில்லை ;நான் சிரித்துவிட்டேன் ! ஆனால் அவர் என்னைப் பார்த்து முறைத்தார் ! நடந்த நிகழ்ச்சியில் ஒளிந்துகொண்டிருந்த நகைச்சுவையை அவரால் இனம் காண இயலவில்லை என்பதுதானே இங்குக் கருத்து ? அரைமணி நேரமாக யாரென்றே தெரியாத ஒருவருடன் ஒருவர் பேசிக்கொண்டிடிருந்தார் என்றால் அது என்ன சாதரணச் சிரிப்பு விஷயமா? நல்ல நகைச்சுவை இல்லையா?
இனிமேல் நீங்கள் மற்றவர்களை உற்றுக் கவனியுங்கள், இவர் நகைச்சுவையைக் கண்டறியும் இயல்புகொண்டவரா இல்லையா என்று!

இந்த வகையில் நம் நண்பர் ஐயாசாமி ராம் அவர்களை நாம் போற்றவேண்டும் !இந்த மாமனிதனுக்கு நகைச்சுவை உணர்வு குறைவற உள்ளது !

உண்மைதான் .
தேடித்தேடி நகைச்சுவை செய்திகளை சேகரித்து தரும் தேனீ அவர்.

ரமணியன்

T.N.Balasubramanian wrote:உண்மைதான்   .
தேடித்தேடி நகைச்சுவை செய்திகளை சேகரித்து தரும்  தேனீ  அவர்.  

ரமணியன்  

[url=http:
http://www.eegarai.net/t138287-topic#1246280]மேற்கோள் செய்த பதிவு: 1246280[/url]




உங்களின் நகைச்சுவை உணர்வானது, மற்றவர்களை 
சந்தோஷப்படுத்துவதற்குத்தான் என்றில்லை. எப்போதும் 
தன்னம்பிக்கையாக இருப்பதற்கும், சுய கவலையிலிருந்து 
விடுபடவும், கஷ்டங்களை மறக்கவும், கவலையைப் 
போக்கவும் உங்களுக்கே உங்களின் நகைச்சுவை உணர்வு 
துணைபுரியும். 

நீங்கள் மேடையேறி பேசும் நகைச்சுவையாளராக இருக்க 
வேண்டியதில்லை. 

உங்களையும், உம்மைச் சுற்றியுள்ள சில நபர்களையும் 
சந்தோஷப்படுத்தினாலே போதும். 
வாழ்க்கை என்றும் இனிக்கும்.
-
--------------------------------------

ராம் அவர்களின் அவதார் சீரியஸாக உள்ளது . நகைச்சுவை மன்னனான ராம் ஐயா அவர்கள் சிரித்த முகத்துடன் கூடிய அவதாரை வைத்துக் கொள்ளவேண்டிய நேரம் வந்துவிட்டது .

இதுபோன்ற ஒரு நகைச்சுவையைப் பத்திரிகையில் படித்திருக்கிறேன் !

கணவன் மனைவியிடம் : யாரிடம் அரைமணி நேரமாகப் பேசிக்கொண்டிருக்கிறாய் ?

மனைவி : ராங் நம்பருங்க !