பதவியைத் தூக்கி எறிந்த அ.தி.மு.க எம்.எல்.ஏ;

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

பதவியைத் தூக்கி எறிந்த அ.தி.மு.க எம்.எல்.ஏ;

#1246252

ayyasamy ram
வழிநடத்துனர்: பதிவுகள் : 84038
இணைந்தது : 30/09/2013

Post ayyasamy ram Sat Aug 05, 2017 11:37 am

டி.டி.வி.தினகரன் கொடுத்த பதவியை ஆளும் கட்சி
எம்.எல்.ஏ., பழனி ஏற்க மறுத்துள்ளார். அதே நேரத்தில்,
தினகரனின் அறிவிப்புகளை அமைச்சர் ஜெயக்குமார்
கலாய்த்துள்ளார்.

முதல்வர் பழனிசாமி அணியினரும் ஓ.பன்னீர்செல்வம்
அணியினரும் இணை, டி.டி.வி.தினகரன் கொடுத்த
60 நாள் கெடு நேற்றுடன் முடிவடைந்தது. இதனிடையே,
கட்சியின் தலைமை அலுவலகத்துக்கு வருவார் என்ற
பரபரப்பு முதல்வர் பழனிசாமி அணியினருக்கு இருந்த
நிலையில், நேற்றிரவு திடீரென செய்தியாளர்களைச்
சந்தித்த தினகரன், கட்சிக்குப் புதிய நிர்வாகிகளை
அறிவித்தார்.

தனக்கு ஆதரவாகச் செயல்படும் முன்னாள் அமைச்சர்கள்,
எம்.எல்.ஏ-க்கள் அனைவருக்கும் புதிய பதவிகளைக்
கொடுத்தார் தினகரன். முக்கியமாக, எம்.எல்.ஏ-க்கள்
பழனியப்பன், செந்தில்பாலாஜி ஆகியோரை அமைப்புச்
செயலாளராகவும், ஸ்ரீபெரும்புதூர் தொகுதி எம்.எல்.ஏ.,
பழனிக்கு ஜெயலலிதா பேரவை இணைச் செயலாளர்
பதவியையும் வழங்கினார்.

இந்தப் பதவி தனக்கு வேண்டாம் என்று அதிரடியாக
அறிவித்துள்ளார் பழனி. இதுகுறித்து செய்தியாளர்களிடம்
இன்று பேசிய பழனி, "நான் யாருக்கும் ஆதரவு
தெரிவிக்கவில்லை; ஜெயலலிதாவால் கிடைத்த எம்.எல்.ஏ.
பதவியே போதுமானது.

தினகரன் அறிவித்த பதவிக்கும் எனக்கும் எந்தத் தொடர்பும்
இல்லை. தினகரன் அளித்த கட்சிப் பதவி வேண்டாம்" என்று
அதிரடியாக அறிவித்துள்ளார்.

----------------------------------
விகடன்
-

மறுமொழி எழுத நீங்கள் உறுப்பினராக இருக்க வேண்டும்..

ஈகரையில் புதிய பதிவு எழுத அல்லது மறுமொழியிட உறுப்பினராக இணைந்திருத்தல் அவசியம்

உறுப்பினராக பதிவு செய்க

ஈகரையில் உறுப்பினராக இணைவது மிக எளிது

பதிவு செய்ய

உள்நுழைக

ஏற்கனவே பதிவு செய்துள்ளீர்களா? இங்கு இணையுங்கள்.

உள்நுழைக

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1