ஏன் வதைக்க வேண்டும்

**ayyasamy ram** · **ayyasamy ram** Fri Aug 04, 2017 5:15 pm

–
தனிமையை வருடிச் சென்ற
இராக்குருவியின் பாடலில்
எழுத இயலாச் சோகம்
இழையோடிக் கரைந்தது
–
அடர்இருளின் புதைகுழிக்குள்
மூழ்கியும் மூழ்காமலும் கிடந்த பொழுதில்
மனதிற்குள் கீறல்கள் வரைந்துபோனது அப்பாடல்
தாளலயத்திற்குள் அடங்கா அப்பாடலுக்குள்
விழுந்த ஞாபகங்கள் தகிக்கத் தொடங்கின.
–
எதற்குப் பாடிச்செல்ல வேண்டும்
அப்பறவை இந்நேரம் எனும்
வலைக்குள் அகப்பட்டு
அப்படியும் இப்படியும் புரண்டுபார்த்தும்
அகப்படவில்லை விடையேதும்.
–
அதன்போக்கில் அது பாடித்தான் சென்றது
என்னை ஏன் வதைக்கவேண்டும்
இரவும் பகலுமாய் அப்பாடல்?
–
—————————
– சென்னிமலை தண்டபாணி
நன்றி – குங்குமம்

**Dr.S.Soundarapandian** · **Dr.S.Soundarapandian** Sat Aug 05, 2017 6:52 pm

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

ஏன் வதைக்க வேண்டும்

ஏன் வதைக்க வேண்டும்

Re: ஏன் வதைக்க வேண்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக