புற்று நோயைத் தடுக்கும் மஞ்சள்

**சிவா** · **சிவா** Sat Sep 19, 2009 12:44 am

சில ஆண்டுக்கு முன் அமெரிக்காவில் மஞ்சள்கிழங்குக்கு ஒருவர் காப்புரிமை பெற்றார்.

மஞ்சளை மருந்தாக வேறு யாரும் பயன்படுத்தக்கூடாது என்று இந்த உரிமை தடை செய்தது.

இதை எதிர்த்து இந்திய அரசு மனுச் செய்தது. இந்திய மக்கள் ஆயிரம் ஆயிரம் ஆண்டு காலமாக மஞ்சளை மருந்தாகப் பயன்படுத்துகிறார்கள். கிராம மக்களுக்குக்கூட மஞ்சளின் மருத்துவக் குணம் தெரியும் என்று இந்திய அரசு கூறியது. இதற்கு ஆதரமாகப் பழமையான சித்த மருத்துவ ஏடுகளை இந்திய அரசு தாக்கல் செய்தது.

அதன்பின் தனியாருக்கு வழங்கிய காப்புரிமை நீக்கப்பட்டது. மஞ்சள் உலகப் பொதுச் சொத்தாக ஆக்கப்பட்டது.

மருந்து

வரலாற்றுக் காலம் தொட்டே இந்தியாவில் மஞ்சள் மருந்தாகப் பயன்படுகிறது.

வாசனைப் பொருளாகவும் மஞ்சள் பயன்படுத்தப்படுகிறது. மஞ்சள் பூசிக் குளிக்காத மங்கை கிடையாதே. இன்னும் மணமகள் அலங்காரத்துக்கு மஞ்சள் பயன்படுகிறதே.

மஞ்சள் மருத்துவப் பயன் நிறைந்தது. அதனால்தான் அன்றாடம் சமையலில் மஞ்சள் பயன்படுத்துகிறோம்.

சளி - இருமல்

பாட்டி வைத்தியத்தில் சளி, இருமல், சேற்றுப்புண்ணுக்கு மருந்தாக மஞ்கள்தான் முதலிடம் பெறுகிறது.

மஞ்சளை சுட்டு முகர்ந்தால், சளி கரைகிறது. மூக்கு ஓட்டம் நிற்கிறது.

சூடான பாலில் ஒரு கரண்டி மஞ்சள்தூள் போட்டுக் குடித்தால், இருமல் குணமாகிறது.

விளக்கெண்ணெயில் மஞ்சள் தூளை தடவிப் பூசினால், சேற்றுப்புண் குணம் ஆகும். கட்டிகளில் பூசினால் கட்டி உடைந்து, ஆறும். சிரங்குகளிலும் பூசலாம்.

செரிக்க வைக்கும்

சாப்பிட்டதை செரிக்க வைக்கும் ஆற்றல் மஞ்சளுக்கு உண்டு. அதனால்தான் சமையலில் மஞ்சள் சேர்த்துக் கொள்ளுகிறோம்.

மஞ்சள் ஒரு கிருமிநாசினி. இதனால் அசைவச் சமையலில் கட்டாயமஇ மஞ்சள் சேர்க்கப்படுகிறது.

பயிர்களுக்கான கிருமிநாசினி மருந்துகளிலும் மஞ்சள் இடம்பெறுகிறது.

இழுப்பு, வலிப்பு, ஆஸ்துமா நோய்க்கும் மஞ்சள் நல்லது. இரத்த நாள அடைப்புகளை நீக்கி மாரடைப்பைத் தடுக்கும் ஆற்றலும் மஞ்சளுக்கு இருக்கிறது.

புற்றுநோய்

புற்றுநோயைக் குணப்படுத்தும் ஆற்றலும் மஞ்சளுக்கு இருக்கிறது.

குறிப்பாக வாய்ப் புற்று நோய்க்கு மஞ்சள் நல்ல பலன் தருகிறது.

புகைபிடிப்பதால் ஏற்படும் புற்றுநோயையும் மஞ்சள் தடுக்கும். மஞ்சள் - சீரகம் சேர்ந்த மருந்து, நுரையீரல் புற்றுநோயைக் குணப்படுத்துகிறது.

கண்புரை நோயையும் மஞ்சள் குணப்படுத்துகிறது.

நாள்தோறும் ஒரு கிராம் (ஒரு தேக்கரண்டி) மஞ்சள்தூளை சூடான பாலில் கலந்து ஒருவேளை குடித்து வந்தால், தொடக்க நிலை புற்றுநோய் குணமாகிறது என்று ஆய்வில் கண்டறிந்து இருக்கிறார்கள்.