எல்லையில் சீன ராணுவம் அத்துமீறல் இந்திய ராணுவ வீரர்களின் பதுங்கு குழிகளை அழித்தது

புதுடெல்லி,

எல்லையில் சீன ராணுவம் அத்துமீறி நுழைந்து இந்திய
ராணுவ வீரர்களின் பதுங்கு குழிகளை அழித்துள்ளது.

இந்திய பக்தர்கள் சீன எல்லையில் உள்ள மானசரோவர்
 கைலாய மலைக்கு புனித யாத்திரை செல்வது வழக்கம்.
ஆனால் இந்த ஆண்டு இந்திய பக்தர்களை தங்கள்
எல்லைக்குள் அனுமதிக்க முடியாது என்று சீன ராணுவம்
கூறிவிட்டது.
இதனால் இந்திய–சீன எல்லையில் குழப்பம் நிலவியது.

கைலாய மலைக்கு செல்லும் வழியில் உள்ள ஒரு பாலம்
உடைந்துவிட்டதாக சீன தரப்பு காரணம் கூறியது.
யாத்திரை சென்ற பக்தர்களும் சிக்கிம் மாநில தலைநகர்
காங்டாக்கிலேயே நிறுத்தப்பட்டனர்.

இந்த பிரச்சினை தொடர்பாக இந்திய அரசுடன் பேசி
வருவதாக சீன வெளியுறவுத்துறை அமைச்சகத்தின்
செய்தித் தொடர்பாளர் கெங் சுகாங் தெரிவித்தார்.

இந்த நிலையில் சிக்கிம் மாநிலம் டோகா லா பகுதியில்
 லால்டென் நிலை அருகே உள்ள 2 இந்திய ராணுவ பதுங்கு
குழிகளை சீன ராணுவம் அத்துமீறி நுழைந்து அழித்துள்ளது.

 ஜூன் முதல் வாரத்தில் இந்த சம்பவம் நடந்திருக்கும் என
கூறப்படுகிறது. இந்த சம்பவத்தால் எல்லை பகுதியில்
மீண்டும் பதற்றம் உருவாகி உள்ளது.

1962–ம் ஆண்டு இந்தியா–சீனா போருக்கு பின்னர் இந்த
பகுதி இந்திய ராணுவம் மற்றும் எல்லையை பாதுகாக்கும்
இந்திய–திபெத் எல்லை பாதுகாப்பு படையின் கட்டுப்
பாட்டில் உள்ளது. இந்த பகுதியில் சீன ராணுவம் அத்து
மீறுவது இது முதல் முறை அல்ல.

 2008–ம் ஆண்டு நவம்பர் மாதம் சீன படைகள் இந்திய
ராணுவ பதுங்கு குழிகளை அழித்துள்ளது.

இந்த ஆண்டு தொடக்கத்தில் சீன ராணுவ ஹெலிகாப்டர்கள்
 உத்தரகாண்ட் மாநிலத்தில் உள்ள பரஹோதி விமானப்படை
தளம் பகுதியில் அத்துமீறி ஊடுருவி பறந்தது.
இதற்கு இந்திய அதிகாரிகள் எச்சரிக்கை விடுத்து இருந்தது
குறிப்பிடத்தக்கது.
-
------------------------------------------
தினத்தந்தி