நிர்வாக உயர்வுக்கு ஈசாப் பஞ்சதந்திர கதைகள்!

நீதிகூறும் ஈசாப் கதைகளும்,
பண்பாடு காக்கும் பஞ்சதந்திரக் கதைகளும்,
பழம் பாட்டிமார் கதைகளும் படிப்பினை போதிக்கும்
சிறுவர் சிறுமியருக்கான கதைகள் என்பது நமக்குத்
தெரிந்த விஷயம்.

ஆனால், அந்தப் பழங்கதைகளை முதலாளி
தொழிலாளிகளுக்கிடையில் நல்லுறவை உருவாக்கவும்
உயர்த்தவும் பல தொழில் நிறுவனங்களும் பயிற்சி
வகுப்புகள் மூலம் சிறப்புறுத்துகின்றன.

முயல்போல் தூங்காமல், ஆமைபோல் வேகமாக
முயல் எனப் படிப்பினை தரும் ஆமை முயல் கதை.

மோரில் விழுந்து விட்ட தவளை அதையே தன்
கால்களினால் கலக்கி, வெண்ணெயாகத் திரள வைத்து,
அந்த வெண்ணை சப்போர்ட்டினாலேயே அந்த மோர்க்
கலையத்திலிருந்து தப்பும் கதை.

தடங்களையே வெற்றிக்குத் தளமாகப் பயன்படுத்திக்
கொள்ளும் இவை போன்றவற்றின் மூலம்
சாமர்த்தியங்களையும் சமயோசித அறிவையும்
போதிக்கின்றன.

தொழிலாளர்களுக்கு மட்டுமல்ல. நிர்வாகிகளுக்கு
கடைதிறக்கிறது! உயர்நிர்வாகிகளும் இந்த முயற்சியில்
பயிற்சியளிக்கப்படுகின்றனர். அதாவது, கிராஃப்ட்கள்,
சார்ட்டுகள் மூலம், டேட்டாக்களை மிகச் சிறபபாகக் காட்டும்
தகுதி பெறுவதில் பயிற்சி.டேட்டாவை மட்டும் கொடுத்துக்
கொண்டிருக்கும் முறை சலிப்பூட்டுவது அல்லவா?

அந்தச் சலிப்பு கதை மூலம் தெரிவிக்கும் இந்தப் புதிய
முறையில் இருக்காது. உலகளவில் இயங்கும் ஆலோசனை
நிறுவனம் KPMG கூட அதனால் இந்த மாதிரிக் கதை
சொல்லும் வழியில் உறுதியான நம்பிக்கை கொண்டுள்ளது.

டேட்டாக்களினால் குழம்பிச் சொதசொதத்துத் தெரிவிப்பதனால்
சலிப்பே ஏற்படுகின்றது. ஆனால் உணர்ச்சி எழும் வண்ணம்
டேட்டாக்களை விவரிப்பது கேட்பவர்க்கு ஒரு கருத்தை
ஏற்படுத்தும் என்கிறார் அமீன் உல்ஹக், த ஸ்டோரி வாலா
அமைப்பின் நிறுவனர் அவர்.

ஒர பெரிய பன்னாட்டு நிறுவனம் தனது இரண்டு கிளைகளை
ஒரே தலைமையின் கீழ் இணைத்தபோது தனது
ஊழியர்களிடையில் அமைதியின்மை, விசாரம் ஆகியவை
ஏற்பட்டதைக் கவனித்தது. அப்போது அவர்களுக்குக் கதை
சொல்வதே உதவியது.

ஆக, மேனேஜர்களும், சீனியர் மேனேஜர்களும் கதை பின்னி
விவரிக்கும் கலையில் பயிற்சியளிக்கப்படுகின்றனர்.

முருகப்பா குரூப்புக்குக் கதை சொல்வது பலகாலம். ஒரு
மரபாகவே இருந்து வந்திருக்கின்றது. இந்த நிறுவனத்தின்
தர மதிப்பீட்டு வாசகம் ஐந்து விளக்கங்கள் என்பது.

இது ஊழியர்கள் சொல்லும் கதைகளைக் கொண்ட புதிய
நடவடிக்கைகளில் புத்துணர்ச்சியூட்டுவதாக நடக்கின்றது!

இந்த நிறுவனத்தின் கடந்த ஆண்டு நிகழ்ச்சியான சக்திநேரம்
உமது கதை என்ற கருத்து அடிப்படையில் நடந்தது.

இளைஞர்களை பொருத்த வரையில் இது அவர்களுக்கு
உந்துதலுக்கு மன எழுச்சியும், தங்கள் நிறுவனம் என்ற உரிமை
உணர்ச்சியும் ஏற்படுத்தவல்ல ஒரு கருவியாகும் தங்கள்
வழியைக் குறிப்பிட்ட வகையில் அமைத்துக் கொள்ள விரும்பும்
வாய்ப்பை இது அவர்களுக்கு அளிக்கின்றது.

தலைமையைப் பொருத்த வரையில் அதைச் சேர்ந்தவர்களுக்கு
இது அவர்கள் தங்கள் உரிமையையும் அடையாளத்தையும்
வளர்த்துக் கொள்ளும் விருப்பத்தைப் பற்றியதாயிருக்கின்றது
எனவும் நம்பப்படுகின்றது.
-
------------------------------------------
- டி.ஆர். கதிர்வேல்
நன்றி- மஞ்சரி