கூடவே நுழைந்தவன் !

**M.Jagadeesan** · **M.Jagadeesan** Fri May 26, 2017 4:57 pm

என்னுடன் பணிபுரிந்தவன்தான்
இன்று
ஏழெட்டு வீடுகளுக்கு சொந்தக்காரன் !

ஆள் அம்பு சேனையென
ஆயிரம் பேரை வைத்து வேலை வாங்குகிறான் !

ஒரு காலத்தில்
கந்தல் உடை அணிந்து திரிந்தவன்தான் !
ஆனால் இன்று
காலையில் உடுத்திய உடையை , மாலையில் உடுத்துவதில்லை !

இரண்டு ரூபாய்க்கு
இட்டலி வாங்கித் தின்று பசியாறியவன்
இன்று சர்வருக்கு
இருபது ரூபாய் டிப்ஸ் கொடுக்கிறான் !

ஓட்டை சைக்கிளிலே பயணம் செய்தவன்
இன்று
ஆடிக் காரிலே அமர்க்களமாய் செல்கிறான் .

பழைய நண்பன் என்னை மறக்காமல்
" பால் காய்ச்சுகிறேன் கிரகப் பிரவேசத்திற்கு !
பாரியாளுடன் வந்துவிடு " என்றழைத்தான் .

பிரம்மாண்ட வீடு !
அண்ணாந்து பார்க்க ஆயிரம் கண்கள் வேண்டும் !
தயங்கியபடியே உள்ளே நுழைந்தேன் !
கூடவே நுழைந்தது பொறாமை உள்ளம் !

**T.N.Balasubramanian** · **T.N.Balasubramanian** Sat May 27, 2017 12:34 am

ரமணியன்

கூடவே நுழைந்தவன் !

கூடவே நுழைந்தவன் !

Re: கூடவே நுழைந்தவன் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக