மான்செஸ்டரில் மனித வெடிகுண்டு தாக்குதல்

**ayyasamy ram** · **ayyasamy ram** Tue May 23, 2017 1:33 pm

மான்செஸ்டர்:
இங்கிலாந்திலுள்ள மான்செஸ்டரில் நிகழ்ந்த குண்டு வெடிப்பில்
19 பேர் பலியாயினர்; 50 பேர் படுகாயம் அடைந்தனர்.

விசாரணையில் இது மனித வெடிகுண்டு தாக்குதல் என்றும்,
இந்த மனித குண்டும் இந்த சம்பவத்தில் பலியானான்
என்றும் தெரிய வந்துள்ளது.

இங்கிலாந்தின் மான்செஸ்டர் நகரில் நேற்று நள்ளிரவில்
அமெரிக்க பாடகர் அரியானா கிராண்டேவின் இசை நிகழ்ச்சி
நடந்தது. அப்போது அங்கு பயங்கர சத்தத்துடன் குண்டு
வெடித்தது. இதனையடுத்து,

இசை நிகழ்ச்சியை கண்டு கொண்டிருந்த மக்கள் சிதறி ஓடினர்.
இக்குண்டுவெடிப்பில் சிக்கி 22 பேர் பலியாயினர்.
50 பேர் படுகாயமடைந்தனர். பலியானோர் எண்ணிக்கை
அதிகரிக்கலாம் எனவும் அஞ்சப்படுகிறது.

இது பயங்கரவாத தாக்குதலாக இருக்கும் என போலீசார் தரப்பில்
தெரிவிக்கப்பட்டுள்ளது. அரங்கத்தில் குண்டு வெடித்த போது,
இசை நிகழ்ச்சியின் ஒரு பகுதி என நினைத்துவிட்டதாக,
குண்டு வெடிப்பில் தப்பித்தவர்கள் தெரிவித்தனர்.

இது மனிதவெடிகுண்டு தாக்குதல் என போலீசார் தெரிவித்துள்ளனர்.
இக்குண்டு வெடிப்பில் பலர் காணாமல் போனதாகவும், காணாமல்
போனவர்களை கண்டறிய @gmpolice எனும் டுவிட்டர்
அக்கவுண்டை பயன்படுத்துமாறும், அவரச தொடர்புக்கு :
01618569400 என்ற எண்ணை பயன்படுத்துமாறும் போலீசார்
அறிவுறுத்தியுள்ளனர்.குண்டு வெடிப்பு நடந்த பகுதிக்கு அருகில்
உள்ள விக்டோரியா ரயில் நிலையம் பாதுகாப்பு காரணங்களுக்காக
மூடப்பட்டுள்ளது.

குண்டுவெடிப்பு இங்கிலாந்து நேரப்படி நேற்று(மே 22) நள்ளிரவு 10.30
மணிக்கு நடந்தது.
-
------------------------------------------
தினமலர்

**ayyasamy ram** · **ayyasamy ram** Tue May 23, 2017 1:35 pm

மான்செஸ்டரில் மனித வெடிகுண்டு தாக்குதல் 2qCaSpCGQP6isfqVNpEW+gallerye_081900396_1775793

-
பிரிட்டன் பிரதமர் கண்டனம்:

இது குறித்து பிரிட்டன் பிரதமர் தெரசா மே கூறியதாவது :‛‛

குண்டு வெடிப்பிற்கான சரியான காரணம் தெரியவில்லை,
போலீசார் தரப்பில் இது பயங்கரவாத தாக்குதலாக
கருதுகின்றனர். குண்டு வெடிப்பு குறித்த முழு விபரங்களை
சேகரித்து வருகிறோம்.

தற்போது குண்டு வெடிப்பில் காயமடைந்தவர்கள், இறந்தவர்கள்
ஆகியோரது குடும்பத்தினரை நோக்கி எங்கள் கவனம் உள்ளது.
இவ்வாறு அவர் தெரிவித்தார்.

மோடி கண்டனம்:

இச்சம்பவத்திற்கு பிரதமர் நரேந்திர மோடி கடும் கண்டனம்
தெரிவித்துள்ளார். பயங்கரவாத தாக்குதல் மிகவும் வேதனை
அளிப்பதாகவும், காயமடைந்தவர்கள் விரைவில் குணமடைய
பிரார்த்திப்பதாகவும் அவர் குறிப்பிட்டுள்ளார்.
-
-------------------------------------

மான்செஸ்டரில் மனித வெடிகுண்டு தாக்குதல்

மான்செஸ்டரில் மனித வெடிகுண்டு தாக்குதல்

Re: மான்செஸ்டரில் மனித வெடிகுண்டு தாக்குதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக