ஜல்லிக்கட்டு காளைகள் கொம்பால் குத்தி தூக்கி வீசியதில் 19 பேர் காயம்

**ayyasamy ram** · **ayyasamy ram** Sat 20 May 2017 - 11:27

-

-உப்பிலியபுரம்,

திருச்சி மாவட்டம் உப்பிலியபுரம் அருகே உள்ள சோபனபுரம் பெருமாள்கோவில் அருகில் நேற்று காலை 8 மணி முதல் மாலை 5 மணி வரை ஜல்லிக்கட்டு நடைபெற்றது. திருச்சி மாவட்ட கலெக்டர் கே.எஸ்.பழனிசாமி உத்தரவுடன் நடைபெற்ற ஜல்லிக்கட்டு விழாவை முசிறி கோட்டாட்சியர் ஜானகி தொடங்கி வைத்தார்.

இதில் தம்மம்பட்டி, பி.மேட்டூர் மற்றும் சுற்றுவட்டார கிராமங்களில் இருந்து 250 காளைகள் கலந்து கொண்டன. காளைகளை அடக்குவதற்காக 291 வீரர்கள் கலந்து கொண்டனர். வாடிவாசலில் இருந்து ஒவ்வொரு காளையாக அவிழ்த்து விடப்பட்ட காளைகளை மாடுபிடி வீரர்கள் போட்டி போட்டு அடக்கினர். பல காளைகள் மாடுபிடி வீரர்களை கொம்பால் குத்தி தூக்கி வீசியது. இதில் 19 பேர் காயமடைந்தனர்.

பரிசுகள்

இதில் காளைகளை அடக்கிய வீரர்களுக்கும், பிடிபடாத காளைகளின் உரிமையாளர்களுக்கும் தங்க காசுகள், மின் விசிறி, கட்டில், பீரோ, பாத்திரம், சைக்கிள், பட்டு வேட்டி, பட்டுச்சேலை உள்பட ரூ.4 லட்சம் மதிப்புள்ள பரிசுகள் வழங்கப்பட்டன.

இந்த நிகழ்ச்சியை காண சுற்றுவட்டார கிராமங்களில் இருந்து லாரிகளிலும், பல்வேறு வாகனங்களிலும் ஏராளமான பொது மக்கள் திரண்டு வந்திருந்தனர். துறையூர் எம்.எல்.ஏ. ஸ்டாலின்குமார், முசிறி போலீஸ் துணை சூப்பிரண்டு பாலமுருகன், துறையூர் தாசில்தார் சந்திரகுமார் மற்றும் உப்பிலியபுரம் போலீசார் உள்பட ஏராளமானோர் கலந்து கொண்டனர்.
-
தினத்தந்தி

**T.N.Balasubramanian** · **T.N.Balasubramanian** Sat 20 May 2017 - 20:21

பல காளைகள் மாடுபிடி வீரர்களை கொம்பால் குத்தி தூக்கி வீசியது. இதில் 19 பேர் காயமடைந்தனர்.

காளைகளை அணுகும் முறையில் தவறு நேர்ந்து இருக்கலாம்.பக்கவாட்டில் இருந்து காளைகளின் திமிலை பிடித்திருக்கவேண்டும். காளைகள் வாடிவாசலில் இருந்து வெளியேறும்போது முன்னால் போய் நின்றால் ,
ஏற்கனவே அரண்டு போயிருக்கும் காளைகள்,
"அய்யா அழுகுணி ஆட்டம் ஆடாதீர் ,பக்கவாட்டில் இருந்து என்னைப் பிடிக்கப் பாருங்கள் " என்றா சொல்லிக்கொண்டு இருக்கும்? மவனே ,மாட்டிக்கொண்டாயா ? என்று பதம் பார்த்து இருக்கும்.

ரமணியன்

ஜல்லிக்கட்டு காளைகள் கொம்பால் குத்தி தூக்கி வீசியதில் 19 பேர் காயம்

ஜல்லிக்கட்டு காளைகள் கொம்பால் குத்தி தூக்கி வீசியதில் 19 பேர் காயம்

Re: ஜல்லிக்கட்டு காளைகள் கொம்பால் குத்தி தூக்கி வீசியதில் 19 பேர் காயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக