கடைகளில் விற்கும் ஐஸ்க்ரீம்மும் அதன் கெடுதிகளும்

கடைகளில் விற்கும் ஐஸ்க்ரீம்மும்  அதன் கெடுதிகளும்

ஐஸ்கிரீமை விரும்பாதவர்கள் எவரேனும் உண்டா... ஆனால், ரசாயனம் கலந்து தயாரிக்கப்படும் ஐஸ்கிரீமில் உள்ள ஆபத்தை அறிந்தால், ஐஸ்கிரீம் பக்கமே தலை வைத்து படுக்க மாட்டோம்.
ஐஸ்கிரீமில், பழ வாசனையை ஏற்படுத்த, 'அசிட்டால் டிஹைடு' என்ற ரசாயனம் சேர்க்கப்படுகிறது; இது, புற்றுநோய் ஊக்கியாக மாறும் தன்மை கொண்டது. மேலும், நச்சாக செயல்படவும் வாய்ப்புண்டு; உடலின் நோய் எதிர்ப்பு சக்தியை குறைத்து, பார்கின்சன் பாதிப்பு ஏற்படுவதற்கும் காரணமாவதாக கூறுகின்றனர்.
ஐஸ்கிரீம் உறைந்து போகாமல் இருப்பதற்காக கலக்கப்படும், 'அமைல் அசிட்டேட்' என்ற ரசாயனம், ரப்பர், சிமென்ட், பெயின்ட் மற்றும் தின்னர் போன்றவற்றில் பயன்படுத்தப்படும் பொருளாகும்.
ஈதல் அசிட்டேட் ரசாயனம் - பைனாப்பிள், பென்சில் அசிட்டேட் - ஸ்ட்ராபெர்ரி, பைப்ரினால் - வென்னிலா சுவைகளை வழங்கக்கூடியது. அத்துடன், நீண்ட நாட்கள் கெடாமல் இருக்க, 'பொட்டாசியம் சோர்பேட்' என்ற ரசாயனமும் சேர்க்கப்படுகிறது. இதுவும் புற்றுநோய் ஊக்கியாகும்.
இது, டி.என்.ஏ.,வில் கலந்து, நச்சுத்தன்மையை ஏற்படுத்தும்.
நீர்த்த நிலையில் இருக்கும் திரவத்தை, கூழாக மாற்ற, பாலி சோர்பேட் என்ற ரசாயனம் சேர்க்கப்படுகிறது; இது, சோப்பு, ஷாம்புகளில் பயன்படுத்தப்படுகிறது. இதுவும், நோய் எதிர்ப்பு சக்தியை சிதைக்கிறது.
சோள சர்க்கரை சாறு, அதிக இனிப்பு தன்மையை கொடுப்பதோடு, சர்க்கரை நோயை உண்டாக்கும். குழந்தைகளிடம் நடத்தை மாற்றுப் பிரச்னையையும் ஏற்படுத்தும். சுவைக்காக சேர்க்கப்படும் வனஸ்பதி, கவர்ச்சியான நிறத்தை கொடுக்க சேர்க்கப்படும், பல செயற்கை நிறமிகள் உடல் நலத்திற்கு தீங்கு விளைவிப்பவை.
அடுத்த முறை, உங்கள் குழந்தை ஐஸ்கிரீம் கேட்கும் போது, சற்று யோசித்து முடிவெடுங்கள்.
வீட்டிலேயே பல விதமான ஐஸ்கிரீம்கள் செய்து, சாப்பிட்டு, உடல் நலத்தை காத்துக் கொள்ளுங்கள்!

நன்றி தினமலர்

ரமணியன்

நல்ல பகிர்வு ஐயா நன்றி !

சென்னையில் சில மேல்நாட்டு ஐஸ்க்ரீம் கடைகளில்
ஒரு ஸ்கூப், 375 ரூபாய் ஆகிறது. காரில் வந்து, உண்டு
செல்பவர்களும் உண்டு. வெளிநாட்டிலிருந்து தருவிக்கப்பட்ட ஐஸ்க்ரீம்.
அதிகம் விலை கொடுத்து அதிக கெடுதி தரும் ஐஸ்க்ரீம் உண்கிறோம்.

ரமணியன்