செம ஹாட் மச்சி!

**ayyasamy ram** · **ayyasamy ram** Tue May 02, 2017 4:21 am

வெயிலின் தாக்கத்தை எப்படி சமாளிப்பது?
என்பது பற்றி வெயிலில் அதிகம் சுற்றுபவர்கள்
டிப்ஸ் கொடுத்தால் தான் சரியாக இருக்கும் இல்லையா?

கோடை என்று மட்டும் இல்லை, எப்போதுமே ராட்சத
விளக்குகளின் ஒளியில் அதிக வெப்பத்தில் பணியாற்றும்
சில டி.வி. பர்சனாலிட்டிகளிடம் ஹீட்டை சமாளிப்பது
எப்படி? என்று டிப்ஸ் கேட்டோம்.
-
-- செம ஹாட் மச்சி! L3k8dMBoQNiXCgtQ8DMd+16f78

செம ஹாட் மச்சி! L3k8dMBoQNiXCgtQ8DMd+16f78

-
திவ்யதர்ஷினி
-
அடிக்கிற வெயிலில் டூ வீலரில் போனாலும், நடந்து
போனாலும் கண்களில் எரிச்சல் ஏற்படும். வெயில்
காலத்தில் இரண்டு நாட்களுக்கு ஒருமுறை உடம்பு
முழுக்க நல்லெண்ணெய் தேய்த்து ஒரு அரைமணி
நேரம் ஊறவிட்டு அப்புறமா குளியுங்க.

இதனால் வறண்ட சருமம் பளிச்சுன்னு ஆயிரும். பொடுகு,
முடி உதிருதல், பிரச்சினையும் இருக்காது.

வெயிலில் அலைந்து திரிந்துவிட்டு, வீட்டுக்கு வந்தவுடன்
ஆடையை கழற்றி அப்படியே பீரோவில் வைக்காதீர்கள்.
அப்படிச் செய்தால், உப்பு உழைந்து ஆடைகளில் திட்டுத்
திட்டாக தெரியும்.

கோடை காலத்தில் முடிந்தவரை தினமும் ஒரு ஆடை
என ஆறு செட் வைத்துக் கொண்டு அலுவலகத்திற்கு
போட்டுச் சொல்லுங்கள். சிரமம் பார்க்காமல் துணிகளைத்
துவைத்து அணிவது நல்லது.

**ayyasamy ram** · **ayyasamy ram** Tue May 02, 2017 4:23 am

செம ஹாட் மச்சி! LrkTiilTpK08fnXyAQ4V+NTLRG_20161005104737691894

-

மகேஸ்வரி
-
இந்த சம்மர்ல நொந்து நூடுல்ஸ் ஆகிறது என்னமோ
லேடீஸ் தான். ப்ளவுஸ், பாவாடை, லெக்கின்ஸ்னு
இறுக்கமான ஆடைகளை அணிந்து கொண்டு பேருந்து
நெரிசலில் நசுங்கி வீடு வந்து சேருவதற்குள் பெண்கள்
படும் அவஸ்தைகள் சொல்லிமாளாது.

ஸோ லேடீஸ்... கோடைக் காலத்தில் பாலிஸ்டர் துணிகள்
அணிவதை தவிர்த்துவிடுங்கள். முடிந்தவரை காட்டன்
உடைகளையே உபயோகப்படுத்துங்கள்.

கர்சீப் முதற்கொண்டு உள்ளாடைகள் வரை குளியல் சோப்
கொண்டு துவைத்துப் போடுங்கள். நல்ல நறுமணமாக
இருக்கும். இதுதவிர வெயில் சூடு காரணமாக சில
பேருக்கு மூக்கில் ரத்தம் வரலாம்.

இதைத் தவிர்க்க, அடிக்கடி தயிர் சாதம், லஸ்ஸி, மாம்பழம்,
ஆரஞ்சு ஜூஸ்களை உள்ளே தள்ளிக் கொண்டே இருங்க
ஹேப்பி ஹாலிடே!

**ayyasamy ram** · **ayyasamy ram** Tue May 02, 2017 4:23 am

சாண்ட்ரா!
-
தினமும் 3 லிட்டர் தண்ணீர் குடியுங்கள். நொறுக்குத்
தீனியை தள்ளி வச்சிட்டு வௌ்ளரிப் பிஞ்சு, திராட்சை
போன்றவற்றை, சாப்பிடலாம். பகலில் இளநீர், குளிர்ந்த
மோர் குடிப்பது நல்லது. ஐஸ்க்ரீம், கியாஸ் நிறைந்த
குளிர்பானங்கள், பொரித்த உணவு பண்டங்களைத்
தவிர்க்கணும்.

அப்படியே, தண்ணீரில் கொஞ்சம் உப்பு கலந்து குடித்தால்
கோடையில் வெளியேறும் வியர்வையை சமாளிச்சுடலாம்.
உடம்பு உஷ்ணத்தைத் தவிர்க்க இன்னொரு வழி,
பொன்னாங்கன்னிக் கீரை மசாஜ், கீரையை வாங்கி
வைத்துக் கொண்டு, அதன் சிறு சிறு இலைகளை
கவனமாக பிய்த்துப் போட்டு, மிக்ஸியில் சட்னி அரைப்பது
போன்று தண்ணீர் ஊற்றி நன்கு அரைத்து, அந்தக்
கரைசலை குளிப்பதற்கு முன் தலையில் ஊற்றி மசாஜ்
செய்யுங்கள். சரியான 45 நிமிடம் கழித்து குளிர்ந்த நீரில்
தலையை அலசுங்கள். உடலில் உஷ்ணமே தங்காது.
-
-----------------------------------

- மா. மணிவண்ணன்
குமுதம்