ஐ.பி.எல். கிரிக்கெட்டில் இன்றைய ஆட்டங்கள்

**ayyasamy ram** · **ayyasamy ram** Mon May 01, 2017 8:11 am

மும்பை இந்தியன்ஸ் – பெங்களூரு ராயல் சேலஞ்சர்ஸ்

இடம்: மும்பை, நேரம்: மாலை 4 மணி

ரோகித் சர்மா கேப்டன் விராட் கோலி

நட்சத்திர வீரர்கள்

ஜோஸ் பட்லர், பார்த்தீவ் பட்டேல், குணால் பாண்ட்யா,
பொல்லார்ட், நிதிஷ் ராணா, பும்ரா

டிவில்லியர்ஸ், கெய்ல், கேதர் ஜாதவ், யுஸ்வேந்திர சாஹல்,
பவான் நெகி, ஸ்டூவர்ட் பின்னி

இதுவரை நேருக்கு நேர் 20

12 வெற்றி 8 வெற்றி

தோல்வியின் பிடியில் இருந்து தப்புமா பெங்களூரு?

பட்டம் வெல்ல வாய்ப்புள்ள அணியாக வர்ணிக்கப்பட்ட
பெங்களூரு ராயல் சேலஞ்சர்ஸ் அணி இந்த அளவுக்கு
மோசமாக விளையாடும் என்று யாரும் எதிர்பார்த்து
இருக்கமாட்டார்கள்.

10 ஆட்டங்களில் 7–ல் தோற்றுள்ள பெங்களூரு அணி, முதல்
அணியாக அடுத்த சுற்று வாய்ப்பை பறிகொடுத்து விட்டது.

இந்த சீசனில் 100 ரன்களுக்குள் இரண்டு முறை சுருண்டு
(கொல்கத்தாவுக்கு எதிராக 49 ரன், புனேக்கு எதிராக 96 ரன்)
போன ஒரே அணி பெங்களூரு தான். அந்த அணியில் கேப்டன்
விராட் கோலியை (6 ஆட்டத்தில் 3 அரைசதத்துடன் 219 ரன்)
தவிர மற்றவர்கள் சொதப்புகிறார்கள். என்றாலும் ‘இனி
இழப்பதற்கு எதுவும் இல்லை’ என்ற நிலையில், ரசிகர்களை
மகிழ்விப்பதை மட்டும் நோக்கமாக கொண்டு நெருக்கடியின்றி
விளையாடுவார்கள்.

பேட்டிங்குக்கு உகந்த வான்கடே ஸ்டேடியத்தில் ரன்மழை
பொழிய வேண்டும் என்றால் கிறிஸ் கெய்ல், கோலி,
டிவில்லியர்ஸ், ஷேன் வாட்சன் உள்ளிட்டோர் அதிரடி
வேட்டை நடத்த வேண்டியது அவசியமாகும்.

முடிந்தவரை புள்ளி பட்டியலில் சில இடங்கள் முன்னேறுவதே
அவர்களின் இலக்காக இருக்கும்.
-
----------------------------------------------

**ayyasamy ram** · **ayyasamy ram** Mon May 01, 2017 8:12 am

முன்னாள் சாம்பியன் மும்பை இந்தியன்ஸ் அணி இதுவரை
9 ஆட்டங்களில் ஆடி 7–ல் வெற்றியும், 2–ல் தோல்வியும்
(இரண்டும் புனேக்கு எதிராக) கண்டுள்ளது.

நட்சத்திர வீரர்களை உள்ளடக்கிய மும்பை அணிக்கு ஒவ்வொரு
ஆட்டத்திலும் ஏதாவது ஒரு வீரர் கைகொடுப்பதால், கம்பீரமாக
வீறுநடை போட முடிகிறது.

ஏற்கனவே பெங்களூருவை 4 விக்கெட் வித்தியாசத்தில்
தோற்கடித்துள்ள மும்பை அணி ஆதிக்கத்தை நீட்டிக்கும்
முனைப்புடன் தயாராக உள்ளது.

புனே சூப்பர் ஜெயன்ட்– குஜராத் லயன்ஸ்

இடம்: புனே, நேரம்: இரவு 8 மணி

ஸ்டீவன் சுமித் கேப்டன் சுரேஷ் ரெய்னா
-

நட்சத்திர வீரர்கள்

ரஹானே, திரிபாதி, டோனி, உனட்கட், மனோஜ் திவாரி,
இம்ரான் தாஹிர்

பிரன்டன் மெக்கல்லம், ஆரோன் பிஞ்ச், ஜடேஜா, இஷான் கி‌ஷன்,
தினேஷ் கார்த்திக், பவுல்க்னெர்
-
----------------------------------------

**ayyasamy ram** · **ayyasamy ram** Mon May 01, 2017 8:13 am

இதுவரை நேருக்கு நேர் 3

0 வெற்றி 3 வெற்றி

கட்டாய வெற்றி நெருக்கடியில் குஜராத் அணி

குஜராத் லயன்ஸ் அணி 9 ஆட்டங்களில் 6–ல் மண்ணை
கவ்வியுள்ளது. எஞ்சிய 5 ஆட்டங்களிலும் வெற்றி பெற்றால்
மட்டுமே ‘பிளே–ஆப்’ சுற்றை பற்றி நினைத்து பார்க்க முடியும்.

அதனால் இன்றைய ஆட்டம் குஜராத் அணிக்கு வாழ்வா–சாவா
போன்றது. முந்தைய ஆட்டத்தில் பீல்டிங் செய்கையில்
காயமடைந்த வேகப்பந்து வீச்சாளர் ஆண்ட்ரூ டை
(6 ஆட்டத்தில் 12 விக்கெட்) இந்த ஆட்டத்தில் ஆடமாட்டார்
என்று தெரிகிறது.

குஜராத் அணி புனேயிடம் ஒரு போதும் தோற்றதில்லை.
அந்த பெருமையை தக்கவைக்க வரிந்து கட்டி நிற்பார்கள்.
-
--------------------

புனே சூப்பர் ஜெயன்ட் அணி 5 வெற்றி, 4 தோல்வி என்று
இதுவரை 10 புள்ளிகள் சேர்த்துள்ளது. புனே அணியில் கேப்டன்
ஸ்டீவன் சுமித் (320 ரன்), திரிபாதி (253 ரன்), ரஹானே (211 ரன்),
மனோஜ் திவாரி (182 ரன்), டோனி(173 ரன்) உள்ளிட்டோர்
தற்போது நல்ல பார்மில் இருக்கிறார்கள்.

அதே உத்வேகத்துடன் குஜராத்தையும் போட்டுத்தாக்க
வியூகங்களை வகுத்துள்ளனர். இதில் வெற்றி பெறும் பட்சத்தில்
‘பிளே–ஆப்’ சுற்றுக்கான வாய்ப்பை புனே அணி மேலும்
பிரகாசப்படுத்திக்கொள்ள முடியும்.

இவ்விரு அணிகளும் ஏற்கனவே சந்தித்த
தொடக்க லீக்கில் குஜராத் அணி 7 விக்கெட் வித்தியாசத்தில்
வெற்றி பெற்றிருந்தது. அதற்கு பதிலடி கொடுக்க முயற்சிப்பார்கள்.
-
-----------------------------
தினத்தந்தி