காகம் ஓர் அழகு

vashnithejas · vashnithejas Tue Apr 25, 2017 3:24 pm

காக்கைக்கும் தன் குஞ்சு பொன் குஞ்சு

என்பது பழமொழி...

அது என்ன காக்கைக்கும்..?

காகம் ஒரு அழகற்ற பறவையாக பார்க்க படுகிறது..

அனால் என் பார்வையில் நீயும் ஒர் அழகே...

அழகான சாம்பல் நிற மேனி , இறகிலும் முகத்திலும் அடர் கருமை

கூர்மையான அலகு , பகிர்ந்து உண்ணும் குணம்

இவை அனைத்துமே அழகானவைகள்...

குயிலும் கருப்புதான் ஆனால், அவற்றின் குரல் வளம்

இனிமையாக இருப்பதனாலோ என்னவோ அவை அழகாக பார்க்கப்படுகிறது.

எனினும், அவற்றின் முட்டைகளையும் நீ பாதுகாப்பதனால்

நீயே மிகச் சிறந்த அழகு...

மயிலுக்கு அதன் தோகையை வைத்தே அதின் அழகு தீர்மானிக்கப்படுகிறது.

அதிலும், ஆண்,பெண் என்று பார்த்தால் ஒன்றிற்கு மட்டுமே வெற்றி

அனால், உன் இனத்தில் அனைவருமே அழகு தான்.

எனவே நீயே மிகச் சிறந்த அழகு...

அழகு என்பது நிறத்திலும் , வடிவத்திலும் அல்ல

பார்க்கும் கண்களில் உள்ளது.

என் கண்களில் என்றுமே நீ ஓரழகு....

வஷ்ணி....

**M.Jagadeesan** · **M.Jagadeesan** Tue Apr 25, 2017 6:26 pm

"காக்கைக்கும் " என்ற சொல்லில் உள்ள " உம் " இழிவு சிறப்பு உம்மை .
கவிதையின் கருத்து மிகவும் அழகு .

உண்மையில் காக்கை பல உயர்ந்த குணங்களைக் கொண்ட ஒரு பறவையாகும் .

" காக்கை கரவா கரைந்துண்ணும் ' என்பார் வள்ளுவர் .

காக்கையின் கரிய சிறகிலே கண்ணனின் நிறத்தைக் கண்டான் பாரதி .

காக்கைக்கு உணவிட்டபின் உண்ணும் வழக்கம் இன்றும் நம் நாட்டில் உள்ளது . அவைகளை உயிர் நீத்த நம் முன்னோர்களின் வடிவமாகவே நாம் பார்க்கிறோம் .

விருந்து வரக் கரையும் பண்பு காக்கையிடம் உள்ளதாக ஒரு நம்பிக்கையும் உள்ளது .

**krishnaamma** · **krishnaamma** Tue Apr 25, 2017 11:21 pm

கவிதை அருமை வஷ்ணி ! புன்னகை

vashnithejas · vashnithejas Wed Apr 26, 2017 10:30 am

நன்றி.....

Sponsored content · Sponsored content

காகம் ஓர் அழகு

காகம் ஓர் அழகு

Re: காகம் ஓர் அழகு

Re: காகம் ஓர் அழகு

Re: காகம் ஓர் அழகு

Re: காகம் ஓர் அழகு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக