‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல்

**ayyasamy ram** · **ayyasamy ram** Mon Apr 24, 2017 3:49 am

-
சியோல்

வடகொரியாவின் தொடர் அணு ஆயுத சோதனைகள்,
ஏவுகணை சோதனைகளை தடுத்து நிறுத்தும் வகையில்
அமெரிக்கா தனது யு.எஸ்.எஸ். கார்ல் வின்சன் போர்
கப்பல் அணியை கொரிய தீபகற்பத்துக்கு அனுப்பி
வைத்துள்ளது.

இந்த அணி அடுத்த சில நாட்களில் கொரிய தீபகற்பத்துக்கு
போய்ச்சேரும் என அமெரிக்க துணை ஜனாதிபதி
மைக் பென்ஸ் தெரிவித்தார்.

இதற்கிடையே மேற்கு பசிபிக் பிராந்தியத்தில் அமெரிக்காவுடன்
கூட்டு போர் பயிற்சிக்காக ஜப்பானின் 2 போர்க்கப்பல்கள் வந்து
சேர்ந்துள்ளன. இருப்பினும் வடகொரியா அடங்குவதாக இல்லை.

அந்த நாட்டின் ஆளும் தொழிலாளர் கட்சியின் செய்தித்தாள்
‘ரோடாங் சின்மன்’, ‘‘நமது புரட்சிகர படைகள்
அணுசக்தியால் இயங்கக்கூடிய அமெரிக்காவின் விமானம் தாங்கி
போர்க்கப்பலை ஒரே அடியில் வீழ்த்தி மூழ்கடிக்க தயார்’’ என்று
கூறி அமெரிக்காவை மிரட்டி உள்ளது.

இப்படி செய்வது, தனது படை பலத்தை வெளிக்காட்டுவதற்கு
ஆதாரமாக அமையும் என்றும் அது தெரிவித்துள்ளது.

இதற்கிடையே கிம் என்ற புனைப்பெயரால் அறியப்படுகிற கொரிய
வம்சாவளி அமெரிக்கரை வடகொரியா கைது செய்திருப்பதாக
தகவல்கள் கூறுகின்றன.

கைது செய்யப்பட்டிருப்பவர் யான்பியன் அறிவியல், தொழில் நுட்ப
பல்கலைக்கழகத்தின் முன்னாள் பேராசிரியர் என அந்த தகவல்கள்
தெரிவிக்கின்றன.

கிம் கைது உறுதி செய்யப்பட்டால் வடகொரியாவில் கைது
செய்யப்பட்டுள்ள அமெரிக்கர்களின் எண்ணிக்கை 3 ஆக உயரும்.
-
----------------------------------
தினத்தந்தி

**ayyasamy ram** · **ayyasamy ram** Mon Apr 24, 2017 3:53 am

வடகொரியாவின் எல்லைப் பகுதியில் ரஷ்யா ராணுவம் குவிப்பு பதற்றமான சூழ்நிலை
-

‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல் WH3EbtdRSMGEoMQ9Qzrw+201704211526077447_North-Korea-Missile-Launch-Sparks-US-and-Russia-Argument_SECVPF

‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல் WH3EbtdRSMGEoMQ9Qzrw+201704211526077447_North-Korea-Missile-Launch-Sparks-US-and-Russia-Argument_SECVPF

-
வடகொரியா அண்மையில் ஏவுகணை சோதனை மேற்கொண்டது,
ஆனால் அது தோல்வியில் முடிந்தது. இருந்தபோதிலும் அது
தொடர்பான சோதனையை இன்னும் ஒருவாரத்தில் முடிக்க
வேண்டும் என்று வடகொரியா ஜனாதிபதி உத்தரவிட்டுள்ளதாக
செய்திகள் வெளியாகின.

பல்வேறு நாடுகளின் எதிர்ப்பை மீறி வடகொரிய அணுகுண்டு
சோதனையில் செயல்பட்டு வருவதாக அமெரிக்கா கடும் கண்டனம்
தெரிவித்தது.

வடகொரியாவின் இந்த செயல்பாடுகளை சீனா கண்டிக்க வேண்டும்
என்றும், அப்படி கண்டிக்கவில்லை என்றால் அமெரிக்கா சில
விபரீதமான முடிவுகளை எடுக்க நேரிடும் என்று அமெரிக்க ஜனாதிபதி
டிரம்ப் எச்சரிக்கை விடுத்திருந்தார்.

இந்நிலையில் ரஷ்யா தனது இராணுவ வீரர்கள் மற்றும் பீரங்கிகள்
போன்றவைகளை வடகொரியாவின் எல்லை பகுதியில்
நிறுத்தியுள்ளது. அது தொடர்பான வீடியோவும் தற்போது
வெளியாகியுள்ளது.

இதே போன்று சீனாவும் அதன் எல்லைப் பகுதியில்
1,50,000 இராணுவவீரர்களை நிறுத்தியுள்ளதாக கூறப்படுகிறது.
இதற்கு காரணம் அமெரிக்கா வடகொரியாவின் அணுகுண்டு தொழிற்
சாலையில் எந்த நேரமும் தாக்குதல் நடத்தலாம் என்று கூறப்பட்டது.
அவ்வாறு தாக்குதல் நடத்தப்பட்டால், ரஷ்யாவுக்கும் பெரிய பாதிப்பு
ஏற்படும்.

ஏனெனில் ரஷ்யாவுக்கும், வடகொரியாவுக்கும் இடையில் 11 மைல்
நீள எல்லைதான் உள்ளது. இதனாலேயே ரஷ்யா எச்சரிக்கையுடன்
இருப்பதற்கு இராணுவத்தை எல்லையில் குவித்துள்ளது.

மேலும் அமெரிக்கா மற்றும் வடகொரியாவிற்கு இடையே போர்
ஏற்பட்டு விட்டால், உடனடியாக அங்கிருக்கும் அகதிகள் ரஷ்யாவிற்குள்
நுழைவதற்கு வாய்ப்பு உண்டு.

இதன் காரணமாகவும், இராணுவத்தை குவித்துள்ளதாக தகவல்கள்
வெளியாகியுள்ளது. சீனாவும் அதன் எல்லைப்
பகுதியில் 1,50.000 இராணுவவீரர்களை குவித்துள்ளதால், எல்லைப்
பகுதிகளில் சற்று பதற்றமான சுழல் உருவாகியுள்ளது.
-
-------------------------------
தினத்தந்தி

‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல்

‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல்

Re: ‘அமெரிக்க விமானம் தாங்கி போர் கப்பலை மூழ்கடிக்க தயார்’ வடகொரியா மிரட்டல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக