மீண்டும் இனவெறி அமெரிக்காவில் சீக்கியரின் டர்பனை பறித்து தாக்குதல்

**ayyasamy ram** · **ayyasamy ram** Wed Apr 19, 2017 5:42 am

நியூயார்க்:
அமெரிக்காவில் கார் ஓட்டுனரான சீக்கிய வாலிபரின்
தலைப்பாகையை பறித்து அவர் மீது பயணிகள் தாக்குதல்
நடத்தியுள்ளனர்.

இது தொடர்பாக போலீசார் விசாரணை நடத்தி வருகின்றனர்.
அமெரிக்காவில் சீக்கிய மதம் குறித்த விழிப்புணர்வை
அமெரிக்க மக்களிடையே ஏற்படுத்தும் நோக்கில் தேசிய
சீக்கிய பிரசாரம் என்ற அமைப்பின் சார்பில் ஒரு மாத
காலத்திற்கு பிரசாரம் தொடங்கப்பட்டது.

இந்நிலையில், அங்கு கார் ஓட்டுனராக உள்ள 25 வயது
சீக்கிய வாலிபர் ஒருவரை பயணிகள் கும்பல் கேலி செய்து
தாக்குதல் நடத்தியுள்ளது.

பஞ்சாப்பை சேர்ந்த இவரது பெயர் ஹர்கிரத் சிங்,
கடந்த மூன்று ஆண்டுகளுக்கு முன்பு அகதியாக அமெரிக்காவில்
தஞ்சமடைந்துள்ளார்.

கடந்த ஞாயிற்றுக்கிழமை ஒரு பெண் உட்பட 4 பேரை
மேடிசன் ஸ்கொயர் கார்டனில் இருந்து காரில் ஏற்றி வந்துள்ளார்.
அவர்கள் கூறிய இடத்தை கார் நெருங்கிய நிலையில் ஓட்டுனர்
ஹர்கிரத் சிங் தவறான முகவரிக்கு அழைத்து வந்துவிட்டதாக
காரில் பயணம் செய்தவர்கள் சிங்குடன் வாக்குவாதத்தில்
ஈடுபட்டுள்ளனர்.

அனைவரும் மது அருந்தி இருந்ததால் எந்த இடத்துக்கு
செல்லவேண்டும் என்பதையும் அவர்கள் சரியாக கூறவில்லை
என தெரிகிறது. இதனால் சிங் குழப்பமடைந்துள்ளார்.

இந்நிலையில் அவர்கள் சிங்கை தகாத வார்த்தைகளால்
திட்டியுள்ளனர். மேலும் அவரது தலைப்பாகையை பிடுங்கியதோடு,
போனையும் பறித்து கொண்டதாக தெரிகிறது.

இதனால் அவர்களை அமைதியாக இருக்கும்படி சிங்
கெஞ்சியுள்ளார். அப்போது அந்த வழியாக போலீசார் வந்துள்ளனர்.
இதனைபார்த்த அந்த கும்பல் காரில் இருந்து இறங்கி தப்பி சென்றது.

இது தொடர்பாக சிங் கொடுத்த புகாரின்பேரில் போலீசார்
விசாரணை நடத்தி வருகின்றனர்.
-
---------------------------------
தினகரன்

மீண்டும் இனவெறி அமெரிக்காவில் சீக்கியரின் டர்பனை பறித்து தாக்குதல்

மீண்டும் இனவெறி அமெரிக்காவில் சீக்கியரின் டர்பனை பறித்து தாக்குதல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக