18 மாவட்டங்களில் அனல் காற்றும் வீசும்; வானிலை ஆய்வு அமையம் எச்சரிக்கை!

**krishnaamma** · **krishnaamma** Tue Apr 18, 2017 12:33 am

கடந்த சில நாட்களாக தமிழகத்தில் வெயில் வாட்டி வருகிறது. இந்நிலையில் நாளை வழக்கத்தை விட அதிக அளவு வெயில் இருக்கும் என்றும், அனல் காற்றும் வீசும் என்றும் வானிலை ஆய்வு மையம் எச்சரித்துள்ளது.

தமிழகத்தில் நாளை (18 ) வழக்கத்தை விட அதிகமாக வெயில் இருக்கும். சென்னை, திருவள்ளூர், காஞ்சிபுரம், அரியலுார், கடலூர், விழுப்புரம், கிருஷ்ணகிரி, திருவண்ணாமலை, கரூர், திருச்சி, தர்மபுரி, வேலூர், நாகை, புதுக்கோட்டை, நாமக்கல், பெரம்பலூர், சேலம், ஈரோடு ஆகிய 18 மாவட்டங்களில் அனல் காற்று வீசும். எனவே பொதுமக்கள் மதியம் 12 மணி முதல் மாலை 3 மணி வரை வீட்டை விட்டு வெளியே செல்ல வேண்டாம், என சென்னை வானியல் ஆய்வு மையம் தெரிவித்துள்ளது.

மேலும் 18 மாவட்ட ஆட்சியர்கள் தேவையான முன்னெச்சரிக்கை நடவடிக்கை எடுக்குமாறு மாநில பேரிடர் மேலாண்மை வாரியம் அறிவுறுத்தியுள்ளது.

**krishnaamma** · **krishnaamma** Tue Apr 18, 2017 12:37 am

whatsup லும் இந்த செய்தி வலம் வருகிறது புன்னகை

**ayyasamy ram** · **ayyasamy ram** Tue Apr 18, 2017 5:54 am

சென்னை:
தமிழகத்தில் 18 மாவட்டங்களில் நாளை அனல் காற்று வீசும்
என எச்சரிக்கை விடுக்கப்பட்டுள்ளது. சென்னை, காஞ்சிபுரம்,
திருவள்ளூர், கடலூர், விழுப்புரம், நாகை, புதுக்கோட்டை,
வேலூர், திருவண்ணாமலை, கிருஷ்ணகிரி, தருமபுரி, சேலம்,
நாமக்கல், ஈரோடு, கரூர், திருச்சி, அரியலூர், பெரம்பலூர்
மாவட்டங்களில் அனல் காற்று வீசும் என
சென்னை வானிலை மையம் கூறியுள்ளது.

வெயிலின் தாக்கம் அதிகமாகும் என்பதால் முன்னெச்சரிக்கை
நடவடிக்கை தேவை என வானிலை ஆய்வு மையம் மாவட்ட
ஆட்சியருக்கு அறிவுறுத்தியுள்ளது.

பொதுமக்களுக்கு அறிவுறுத்தல்

பகலில் தேவையின்றி வெளியில் வருவதை பொதுமக்கள்
தவிர்க்க வேண்டும் என எச்சரித்துள்ளது. நண்பகல் 12 மணியில்
இருந்து 3 மணி வரை வெளியே செல்வதை தவிர்க்கவும்
பொதுமக்களுக்கு அறிவுறுத்தப்பட்டுள்ளது. பகலில் வெளியில்
வருவதை தவிர்க்க மக்களுக்கு ஆட்சியர்கள் அறிவுறுத்தியுள்ளனர்.

பள்ளிகளில் நாளை திறந்தவெளியில் வகுப்பு நடத்தக்கூடாது
எனவும் ஆட்சியர்கள் கூறியுள்ளனர்.
-
----------------------------------------
தினகரன்