ஆந்திராவில் ரூ.100 கோடியில் அம்பேத்கர் நினைவு பூங்கா

**ayyasamy ram** · **ayyasamy ram** Sat 15 Apr 2017 - 6:14

அமராவதி,
ஆந்திராவில், 100 கோடி ரூபாய் செலவில், அம்பேத்கர்
நினைவு பூங்கா கட்ட, முதல்வர் சந்திரபாபு நாயுடு,
நேற்று அடிக்கல் நாட்டினார்.

ஆந்திராவில், சந்திரபாபு நாயுடு தலைமையிலான,
தெலுங்கு தேசம் கட்சியின் ஆட்சி நடக்கிறது.அமராவதியில்,
20 ஏக்கர் நிலத்தில், அம்பேத்கர் நினைவு பூங்கா அமைக்க,
மாநில அரசு முடிவு செய்தது.

இதற்காக, 97.64 கோடி ரூபாய் ஒதுக்கியுள்ளது.இதற்கான
அடிக்கல் நாட்டு விழா, அம்பேத்கர் பிறந்த தினமான நேற்று
நடந்தது. முதல்வர் சந்திரபாபு நாயுடு பங்கேற்று,
அடிக்கல்லை நாட்டினார்.

பூங்கா குறித்து, மாநில அரசு உயர் அதிகாரி ஒருவர்
கூறியதாவது:

பூங்காவில், 126 அடி உயர அம்பேத்கர் சிலை, 25 கோடி ரூபாய்
செலவில் நிறுவப்படும். ஒரே நேரத்தில், 3,000 பேர் அமரும்
வகையில், மாநாட்டு அரங்கும், 2,000 பேர் அமர்ந்து பார்க்கும்
வகையில், திறந்தவெளி திரையரங்கும் அமைக்கப்படும்.

மேலும், புத்தர் தியான மண்டபம், அம்பேத்கர் நினைவு நுாலகம்
ஆகியவையும் அமைக்கப்பட உள்ளன. நுாலகத்தில், அம்பேத்கர்
எழுதிய நுால்கள் மட்டுமின்றி, அவரைப் பற்றி எழுதப்பட்ட
நுால்களும் இடம் பெறும்.

அழகிய மலர் தோட்டமும் அமைக்கப்படும்.
இரண்டு ஆண்டுகளில், இந்த பணிகள் முடியும் என,
எதிர்பார்க்கிறோம்.இவ்வாறு அவர் கூறினார்.
-
------------------------------------
தினமலர்

**M.Jagadeesan** · **M.Jagadeesan** Sat 15 Apr 2017 - 8:12

சபாஷ் நாயுடு !

உங்களைப்போன்ற முதல்வர் எங்களுக்கு இல்லையே என்று வருத்தப்படுகிறோம் !

ஆந்திராவில் ரூ.100 கோடியில் அம்பேத்கர் நினைவு பூங்கா

ஆந்திராவில் ரூ.100 கோடியில் அம்பேத்கர் நினைவு பூங்கா

Re: ஆந்திராவில் ரூ.100 கோடியில் அம்பேத்கர் நினைவு பூங்கா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக