எல்லாரும் அமைதியாக இருங்கள்

**ayyasamy ram** · **ayyasamy ram** Sat Mar 11, 2017 10:13 am

ஒரு பிராடஸ்டண்ட் பாதிரியார், வீட்டிலுள்ள குழந்தைகள்
போடும் சத்தத்தால் தினசரி பிரார்த்தனைகள் கெடுகிறதென்று
நினைத்தார். ஒரு நாள் இரவு, அவரது பொறுமை எல்லைமீறிப்
போக, “எல்லாரும் அமைதியாக இருங்கள்” என்று ஆவேசத்தோடு
கூறினார்.

குழந்தைகளும் அவர் மனைவியும் அவரது ஆணையால் நடுங்கிப்
போனார்கள். அடுத்த நாள் பாதிரியார் வீட்டுக்குள் நுழையும்
போதே வீடு அமைதியாக இருந்தது. அவரும் ஆனந்தமாகத் தனது
பிரார்த்தனையைத் தொடங்கினார்.

ஆனால் தனது பிரார்த்தனைக்குக் கடவுள் செவிகொடுக்கவில்லை
என்று தோன்றியது. இப்படியே நாட்கள் சென்றன. கடைசியாக
ஒரு நாள் கடவுளிடம் தன் சந்தேகத்தைக் கேட்டேவிட்டார்.

“என்ன நடக்கிறது? போதுமான அமைதி இங்கே இருக்கிறது.
ஆனாலும் என்னால் பிரார்த்தனையின்போது உங்களை உணர
முடியவில்லையே?” என்று வருத்தத்துடன் கேட்டார்.

“எனக்கு உனது வார்த்தைகள் கேட்கின்றன. ஆனால் அங்கே
சிரிப் பொலியே இல்லை. என்னால் உனது பக்தியைப் புரிந்து
கொள்ள முடிகிறது. ஆனால் பின்னணியில் குதூகலமே இல்லை”
என்று பதில் கிடைத்தது.

உடனடியாக ஜெப அறைக்கு வெளியே வந்து நின்ற பாதிரியார்,
“குழந்தைகள் வழக்கம்போல சத்தமிட்டு விளையாடட்டும்”
என்று உத்தரவிட்டார். இப்போது கடவுள், அந்தப் பாதிரியாரின்
பிரார்த்தனைகளைக் கேட்கத் தொடங்கினார்.
-
---------------------------------------------
பாவ்லோ கொய்லோ | தமிழில்: ஷங்கர்
நன்றி - தி இந்து

**Dr.S.Soundarapandian** · **Dr.S.Soundarapandian** Sat Mar 11, 2017 12:46 pm

எல்லாரும் அமைதியாக இருங்கள்

எல்லாரும் அமைதியாக இருங்கள்

Re: எல்லாரும் அமைதியாக இருங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக