கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

**ayyasamy ram** · **ayyasamy ram** Wed Apr 12, 2017 4:32 am

சிகாகோ:

அமெரிக்க விமானத்தில் கூடுதல் பயணிகள் முன்பதிவு
செய்ததால் பிரச்னை ஏற்பட்டது. விமானத்தில் இருந்து இறங்க
மறுத்த டாக்டர் ஒருவருக்கு சரமாரி அடி உதை விழுந்தது.

அவரை ரத்தம் வடிய, வடிய பாதுகாப்பு துறை அதிகாரிகள்
இழுத்து சென்றனர். அமெரிக்காவின் சிகாகோ நகரில் இருந்து
லூயிஸ்விலி நகருக்கு கடந்த ஞாயிற்றுக்கிழமை இரவு
யுனிட்டெட் எக்ஸ்பிரஸ் என்ற விமானம் புறப்பட தயாராக
இருந்தது.

இந்த விமானத்தில் செல்ல பல்வேறு நிறுவனங்கள் சார்பில்
பயணிகள் டிக்கெட் முன்பதிவு செய்து இருந்தனர். இதில்
கூடுதலாக 4 பேர் முன்பதிவு செய்து இருந்தனர்.

விமானத்தில் பயணிகள் ஏறிய பின், விமான ஊழியர்கள்
4 பேர் பயணம் செய்ய முடியாத நிலை ஏற்பட்டது.

இதனால் 4 பயணிகளை கீழே இறக்கிவிட நிர்வாகம் முடிவு
செய்தது. இதனால் டிக்கெட் பணத்துடன் முதலில் 26 ஆயிரமும்,
இரண்டாவதாக 52 ஆயிரமும் திரும்ப அளிக்கப்படும் என்று
அறிவித்தும் பயணிகள் யாரும் விமானத்தில் இருந்து இறங்க
மறுத்து விட்டனர்.

இதையடுத்து குலுக்கல் முறையில் 4 பேர் தேர்வு செய்யப்பட்டனர்.
இதில் 3 பேர் விமானத்தில் இருந்து இறங்க சம்மதித்து விட்டனர்.
4வது நபர் ஒரு டாக்டர். அவர் தனது நோயாளிக்கு சிகிச்சை அளிக்க
செல்ல வேண்டியது இருப்பதால் கீழே இறங்க முடியாது என்று
தெரிவித்துள்ளார்.

அவரிடம் கெஞ்சியும் இறங்க மறுத்துவிட்டார். இதனால் விமான
நிலைய பாதுகாப்பு அதிகாரிகளை கொண்டு அடித்து உதைத்து
அவரை நிர்வாகம் கீழே இறக்கியது. ரத்தம் வழிந்த நிலையில்
அவர் கீழே இறக்கி விடப்பட்டார்.

இந்த காட்சியை சக பயணி ஒருவர் வீடியோ எடுத்து பேஸ்புக்கில்
வெளியிட்டு விட்டார். இது உலகம் முழுவதும் பெரும் பரபரப்பை
ஏற்படுத்தி உள்ளது.
-
------------------------------------
தினகரன்

**ராஜா** · **ராஜா** Wed Apr 12, 2017 11:06 am

கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை 3838410834

ஓவர் புக்கிங் செய்தது விமானநிறுவனத்தின் தவறு , இதற்கான விலையை இன்னும் கொஞ்ச நாளில் கொடுக்கும் புன்னகை

அமெரிக்க போன்ற நாடுகளில் consumer protection நன்றாக இருக்கும் என்று கேள்விப்பட்டுள்ளேன்.

(எனக்கும் ஒரு முறை இப்படி ஆகியது , விமான நிலையத்திற்கு சற்று தாமதமாக போனேன் , online checkin பண்ணியும் எனக்கு இடம் இல்லை Flight Full என்று மிக அலட்சியமாக சொன்ன checkin staff அவரின் மேலாளரை தொடர்பு கொண்டு காய்ச்சி எடுத்ததும் மன்னிப்பு கேட்டுவிட்டு ஓடிவிட்டான்.

மறுநாள் விமானத்தில் இடம் தருகிறோம் அதுவரை 5 நட்சத்திர விடுதியில் தங்கவைக்கிறோம் என்று சொன்னார்கள். நாங்கள் முடியாது எங்கள் இருவருக்கும் விடுமுறை குறைவாக உள்ளதால் எங்களால் இரண்டு நாள் வீணாக்க முடியாது என்று திட்டவட்டமாக கூறிவிட்டதால். சவூதி சென்று அங்கிருந்து சென்னைக்கு செல்லும்படி ticket தருகிறோம் பயண நேரம் கூடுதலாக 2:30 அதிகமாகும் என்று சொன்னதை ஏற்றுக்கொண்டோம். compensation ஆக $2400 தான் புன்னகை

கிடைத்தது , எங்கள் நால்வருக்குமான விமான டிக்கெட்டே இதை விட கம்மி என்பது தான் மிகவும் சுவராஸ்யமான விஷயம். இனிமே ஊருக்கு போனா ஏர்போர்ட்டுக்கு லேட்டா தான் போவேன் என்று சொன்னேன்)

**T.N.Balasubramanian** · **T.N.Balasubramanian** Wed Apr 12, 2017 8:17 pm

ராஜா wrote:

ஓவர் புக்கிங் செய்தது விமானநிறுவனத்தின் தவறு , இதற்கான விலையை இன்னும் கொஞ்ச நாளில் கொடுக்கும்

அமெரிக்க போன்ற நாடுகளில் consumer protection நன்றாக இருக்கும் என்று கேள்விப்பட்டுள்ளேன்.

(எனக்கும் ஒரு முறை இப்படி ஆகியது , விமான நிலையத்திற்கு சற்று தாமதமாக போனேன் , online checkin பண்ணியும் எனக்கு இடம் இல்லை Flight Full என்று மிக அலட்சியமாக சொன்ன checkin staff அவரின் மேலாளரை தொடர்பு கொண்டு காய்ச்சி எடுத்ததும் மன்னிப்பு கேட்டுவிட்டு ஓடிவிட்டான்.

மறுநாள் விமானத்தில் இடம் தருகிறோம் அதுவரை 5 நட்சத்திர விடுதியில் தங்கவைக்கிறோம் என்று சொன்னார்கள். நாங்கள் முடியாது எங்கள் இருவருக்கும் விடுமுறை குறைவாக உள்ளதால் எங்களால் இரண்டு நாள் வீணாக்க முடியாது என்று திட்டவட்டமாக கூறிவிட்டதால். சவூதி சென்று அங்கிருந்து சென்னைக்கு செல்லும்படி ticket தருகிறோம் பயண நேரம் கூடுதலாக 2:30 அதிகமாகும் என்று சொன்னதை ஏற்றுக்கொண்டோம். compensation ஆக $2400 தான் கிடைத்தது , எங்கள் நால்வருக்குமான விமான டிக்கெட்டே இதை விட கம்மி என்பது தான் மிகவும் சுவராஸ்யமான விஷயம். இனிமே ஊருக்கு போனா ஏர்போர்ட்டுக்கு லேட்டா தான் போவேன் என்று சொன்னேன்)

மேற்கோள் செய்த பதிவு: 1238490

பரவாயில்லையே இப்பிடியும் கூடுதலாக சம்பாதிக்க ஒரு வழியா? சூப்பருங்க

ரமணியன்

Sponsored content · Sponsored content

கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

Re: கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

Re: கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

Re: கூடுதல் பயணிகள் முன்பதிவு எதிரொலி அமெரிக்க விமானத்திலிருந்து இறங்க மறுத்த டாக்டருக்கு அடிஉதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக