பன்னீர் அணிக்கு புது 'டிவி

**ayyasamy ram** · **ayyasamy ram** Sun Apr 09, 2017 7:58 am

ஜெயா, 'டிவி'க்கு போட்டியாக, அம்மா என்ற பெயரில்,
'டிவி' துவக்கும் பணியில், பன்னீர்செல்வம் அணி
மும்முமாக ஈடுபட்டு வருகிறது.

ஜெயலலிதா இருந்த போது, அ.தி.மு.க.,வின் அதிகாரபூர்வ
பத்திரிகையாக, 'நமது எம்.ஜி.ஆர்.,' நாளிதழும், ஜெயா,
'டிவி'யும் செயல்பட்டன. அவர் மறைவுக்கு பின்,
அ.தி.மு.க.,வானது, சசிகலா, பன்னீர்செல்வம் என,
இரு அணிகளாக பிரிந்துள்ளது.

ஜெயா, 'டிவி'யும், நாளிதழும், சசிகலா வசம் உள்ளன.
இதையடுத்து, 'நாமும், 'டிவி' சேனல் துவக்க வேண்டும்'
என, பன்னீர்செல்வத்திடம், அவரது ஆதரவாளர்கள்
வலியுறுத்தினர்.

அதனால், முன்னாள் அ.தி.மு.க., பிரமுகர் ஒருவருக்கு
சொந்தமான, 'டிவி' சேனலை விலைக்கு வாங்கி,
'அம்மா' என்ற பெயரில், 'டிவி' சேனலை துவக்குவது
குறித்து, பேச்சு நடத்தி முடிக்கப்பட்டு உள்ளது.

அதேபோல, நமது எம்.ஜி.ஆர்., நாளிதழுக்கு போட்டியாக,
'நமது அம்மா' என்ற பெயரில், புது பத்திரிகை துவக்கவும்
திட்டமிட்டுள்ளனர். அந்த பத்திரிகை, நட்சத்திர
பேச்சாளர் நடிகர் ஜெயகோவிந்தன் ஏற்பாட்டில் துவங்கப்பட
உள்ளது.

ஆர்.கே.நகரில், மதுசூதனனை ஆதரித்து பன்னீர்செல்வம்
தலைமையில், நாளை, 30 ஆயிரம் பேர் பங்கேற்கும் பேரணி
நடக்க உள்ளது.

அந்த பேரணியின் துவக்க விழா அல்லது ஏப்., 14 தமிழ்
புத்தாண்டு அன்று, பத்திரிகை குறித்த அறிவிப்பை, பன்னீர்
வெளியிட வாய்ப்பு உள்ளதாக தெரிகிறது.

தினமலர்

**krishnaamma** · **krishnaamma** Sun Apr 09, 2017 11:43 am

நல்ல கூத்து ! புன்னகை

பன்னீர் அணிக்கு புது 'டிவி

பன்னீர் அணிக்கு புது 'டிவி

Re: பன்னீர் அணிக்கு புது 'டிவி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக